Meahciráđđehus ohcá sulaid 60 vuovdegilvi geassebargguide eará guovlluide Lappi moatti vahku guhkkosaš bargogaskavuođaide. Ohcamušaid galgá guođđit 17.3. rádjai.
Gáibádussan gilvinbarggu ohcamii lea unnimustá 16 jagi ahki. Stuorámus oassi gilviin leat logahatahkásaččat.
”Dát lea máŋgga nuorra olbmui buorre ja dehálaš geassebargosadji. Bargu heive buorre fysalaš álššaid olgoáibmoolbmuide, geat liikojit bargat olgun dálkkis beroškeahttá”, muitala Meahciráđđehusa vuovdedikšunoaivámuš Olli Lipponen.
Bargogaskavuođa bistin lea 2-4 vahku. Gilvimis máksojuvvo agoartabálká: mađi eanet vesáid gilvá, dađi eanet dine.
”Gilvis lea vejolaš beassat buriid dietnasiidda. Hárve geassebarggus sáhttá dinet oanehis áiggis ná bures”, dadjá Lipponen.
Gilvimii bálkáhuvvon geassebargiid mearri lea jagiid áigge geahppánan dakkár vuovdešaddadeami,mas figgat bissovaš gokčavašvuhtii, lassáneami dihtii. Gokčavaš vuovdešaddadeamis ođđa vesáid vuordit šaddat lunddolaččat almmá gilvima.
Vuovdešaddadeaddjiid geassebargosajit leat rabas maiddái Kainuus ja Davvebađaeatnamis.
Ohcanáigi vuovdešaddadeaddjiid geassebargosajiide nohká 17.3. Ohcamuša sáhttá deavdit elektrovnnalaččat čujuhusas: https://www.metsa.fi/metsahallitus/avoimet-tyopaikat/
Lassedieđut: Olli Lipponen, Meahciráđđehus Vuovdedoallu Os vuovdedikšunoaivámuš, olli.lipponen@metsa.fi, 0407384408