Almmustahtton 16.11.2026

Mávssuvuollásaš parkerema geahččalančuozáhagain sáhttá dál máksit máŋgga applikašuvnnain ja teakstadieđuin

Mávssuvuollásaš parkerema geahččaleapmi álggii 1.9.2026 Sipoonkorpi álbmotmeahcis oaivegávpotguovllus, Koli álbmotmeahcis Davvi-Gárjilis ja Riisitunturi álbmotmeahcis, Urho Kekkonen álbmotmeahcis ja Korouoma suodjalanguovllus čakčamánu álggus.

Sipoonkorpi álbmotmeahcis Tasakallio ja Kalkkiuunintie parkerenguovlluin mávssuvuollásaš parkerema geahččaleapmi lea gaskkalduvvon dassážii, go ođđa galbbat ja bearráigeahččankámerat leat sajáiduhttojuvvon.

Parkeren lea mávssuvuollásaš beaivválaččat dmu 9–18. Parkeren lea nuvttá lihkadaneasttalaš parkerendovddaldagain (LE-dovddaldat).

Applikašuvnnaiguin:

  • Parkeren máksá 1 € / diibmu + bálvalusmáksu. Vuosttas 30 minuhta leat nuvttá.
  • Parkerema eanemushaddi lea 5 € / jándor + bálvalusmáksu.
  • Anus leat čuovvovaš parkerenapplikašuvnnat: Aimo-applikašuvdna, EasyPark-applikašuvdna, eparking.fi-applikašuvdna, Moovi.fi-applikašuvdna ja ParkMan-applikašuvdna.

Teakstadieđuin:

  • Teakstadieđuin sáhttá máksit ovtta jándora guhkkosaš parkerema háválassii.

Parkerenmávssuin boahtán sisaboađut mannet vánddardančuozáhagaid bajásdollui. Mihttomearrin lea gokčat goluid, mat bohtet parkerenguovlluid, geainnuid ja vánddardanráhkadusaid bajásdoallamis.

Mávssuvuollásaš parkerema geahččaleapmi joatkašuvvá jagi 2027 giđa rádjai. Parkeren bearráigehččojuvvo ovttas Parkkipate Oy fitnodagain.

Lassedieđut:

Áššis eanet: