Dálkkádatrievdan nuppástuhttá árktalaš luonddu jođáneappot go máŋggaid eará guovlluid máilmmis. Nuppástusat oidnojit earret eará muohtaáiggi guhkkodagas, šlájaid nuppástusain, luonddu máŋggahámatvuođas sihke olbmo vejolašvuođain ávkkástallat ja geavahit luonddu. Váikkuhusat ollet maiddái sámeguvlui, gos dálkkádatrievdan guoskkaha luonddu lassin maiddái kultuvrra, ealáhusaid ja árbevirolaš eallinvugiid.
Nuoraide lea dál fállojuvvon sámegielat oahppomateriálapakeahtta, mii doarju dálkkádatrievdamii laktásan oahppama ja ságastallama. Interreg Aurora -ruhtaduvvon CLAP-fidnus buvttaduvvon bargobihtát láidestit nuoraid áigeguovdilis dutkandieđu gurrii ja veahkehit ipmirdit dálkkádatrievdama váikkuhusaid.
Bargobihtáid duogášmateriálan ávkkástallat earret eará Dálkediehtaga lágádusa raportta Dálkkádatrievdan Lappi (Ilmastonmuutos Lapissa ) ja stáhtaráđi almmustahttima Dálkkádatrievdama váikkuhusat Suoma sámekultuvrii (Ilmastonmuutoksen vaikutukset Suomen saamelaiskulttuuriin). Okta deháleamos bargobihtáoppalašvuohta laktása Sámemusea Siidda čájáhussii, ja dan čađaheapmi gáibida museas galledeami.
Dálkkádatrievdamii laktásan doaimmat leat čujuhuvvon badjeskuvlaahkásaččaide, logahatahkásaččaide ja ámmáhii stuđerejeaddjiide. Oahpaheaddjit sáhttet friddja ávkkástallat materiálaid sin oahpahusas.
CLAP-fidnus buvttaduvvon bargobihtáskovit leat davvisáme-, anáraš-, nuortalaš- ja suomagillii Meahciráđđehusa almmustahttinvuođus. Dutkanraporttat lea suomagielagat, sámemusea Siida čájáhusa materiálat leat golmma sámegillii.
Ođđa sáme- ja suomagielat oahppamateriálat
- Dálkkádatnuppástus Sámis – Kopiija bargobihtás (julkaisut.metsa.fi)
- Dálkkádatnuppástusa váikkuhusat Suoma sámekultuvrii (julkaisut.metsa.fi)
- Dálkkádatnuppástus – Skovvi bargobihtáin SIIDA čájáhussii (julkaisut.metsa.fi)
Árabut buvttaduvvon sáme- ja suomagielat oahppamateriálat
- Fenologalaš kaleanddar – Bargobihtát luonddu áicamii jagi juohke beaivái (julkaisut.metsa.fi)
- Gufihttara reivve juohke mánnui (julkaisut.metsa.fi)
Lassedieđut