Meahciráđđehus čatnasa čađačuovgi prosessii stáhta boares ja luonddudili vuvddiid vuvddiid suodjaleapmin.
”Luonddujávkama dusten lea Meahciráđđehusa doaimma ja strategiija váibmosis. Suopma lea EU:a biodiversiteahttastrategiijas čatnasan suodjalit boares ja luondduvuvddiid, ja Meahciráđđehus háliida, ahte stáhta eatnamiin dát dahkko čađačuovgi vugiin ja buoremus oažžumis lean dieđu vuođul”, dadjá Meahciráđđehusa váldohoavda Juha S. Niemelä.
Suoma birasguovddáš (SYKE) ja Luondduváriidguovddáš (LUKE) gárvvistit báráige našuvnnalaš kritearaid ja rávvagiid suodjaleami vuollásaš čuozáhagaid inventerema várás.
Rávvagiid gárvvásmuvadettiin Meahciráđđehus kártegoahtá kritearain oaivvilduvvon stáhta vuvddiid. Kritearaid gáibidan inventeren dahkko meahccebargun, ja das ávkkástallet olles Meahciráđđehusa áššedovdamuša. Kártema árvvoštallet bistit guokte jagi.
”Lea dehálaš, ahte vejolaš čuozáhagaid mannat čađa vuđolaččat ja inventerejuvvojit meahcis. Meahciráđđehusa Luonddubálvalusain lea olu ekologalaš čehppodat, maid sáhttá ávkkástallat dán barggus, dadjá luonddubálvalushoavda Henrik Jansson.
Kártenbargu almmustahtto ja árvvoštallojuvvo olggobeale árvvoštalli bokte. Dáinna Meahciráđđehusa háliida buoridit proseassa čađačuovgivuođa.
Čuozáhagaid identifiseremis ávkkástallat Meahciráđđehusa iežas diehtogálduid lassin sierra čanusjoavkkuid ja eaktodáhtolaš kártejeaddjiid dahkan barggu.
”Oažžut sierra čanusjoavkkuin dehálaš dieđu árvvolaš luonddučuozáhagain stáhta lotnolasgeavahanvuvddiin. Mannan vahkus loahpparaporttas almmustahttán Luondduvuovdi-bargojoavku lea dahkan ánssolaš barggu, ja raportta čuozáhagaid mannat čađa kártema oktavuođas. Raportta čuozáhagain mearkkašahtti oassi lea dál jo doaimma olggobealde dahje ráddjejuvvon ávkkástallamis. Joatkit maiddái mielas ságastallama bargojoavkkuin, dadjá Meahciráđđehus Vuovdedoallu Os:a beaivválaš jođiheaddji Jussi Kumpula.
Kártema maŋŋá riikkabeaivvit dahket mearrádusa suodjaleami guovlluin stáhtaráđi evttohusa vuođul.
Lassedieđut:
Meahciráđđehus, váldohoavda Juha S. Niemelä, t. 0206 39 4201, juha.niemela(at)metsa.fi
Meahciráđđehus, luonddubálvalushoavda Henrik Jansson, t. 0400 328 759, henrik.jansson(at)metsa.fi
Meahciráđđehus Vuovdedoallu Os, beaivválaš jođiheaddji Jussi Kumpula, t. 0400 388 614, jussi.kumpula(at)metsa.fi
Loga lasi:
Luonddu máŋggahámatvuođa dorvvasteapmi stáhta eatnamiin:
https://www.metsa.fi/se/luondu-ja-kulturarbi/manggahamatvuoda-dorvvasteapmi/