• Kritearaid eaktudan inventeren dahkkojuvvo meahccebargun golmma meahccebaji (2024–2026) áigge.
• Bargui bálkáhuvvojedje jahkái 2024 Meahciráđđehusa prošeaktaoassálastiid iežaset áššedovdiid lassin 36 olggobeale inventerejeaddji. Oktiibuot j. 2024 inventeremiid olis barge sullii 45 olbmo. Meahccebajis 2025 vástideaddji barggu dahket oktiibuot 60 olbmo.
• Maŋimuš inventeremat dahkkojuvvojit meahccebajis 2026 sámiid ruovttuguovllus.
• Inventerenvuloš čuozáhagaid dovdámis ávkkástallojuvvojit almmolaš ja Meahciráđđehusa iežas diehtogálduid lassin iešguđet čanusjoavkkuid ja eaktodáhtolaš luonddukártejeaddjiid doaimmahan dieđut, main leat ožžon kártáráddjemiid.
• Inventerenbarggu vuođđun leat vuvddiid iešguđetlágan ráhkadusiešvuođaid mihtideapmi ja árvvoštallan. Guovddáš kritearat leat ee. muoraid ahki ja mieskamuoraid mearri. Inventerejeaddjit čađahit mihtidemiid ja dárkkodemiid inventeremiidda meahccerávvaga (gč. pdf vuollelabbos dán siiddus) mielde.
• Bohtosat almmustahttojuvvojit, go inventeremat gárvánit.
• Barggu árvvoštallá olggobeale oassebealli ja evalueren dahkkojuvvui vuosttaš meahccebajis.
• Inventeremiid bohtosiid vuođul Meahciráđđehusa stivra dahká stáhtaráđđái evttohusa guovlluin, mat suodjaluvvojit luonddusuodjalanlágain čavga ja daid sirdimis luonddusuodjalangeavahusa opmodahkii, mas ii leat buvttadangáibádus.
• Metsähallitus Metsätalous Oy vástida inventerema goasttádusain iežas sisaboahtoruhtadeamis.
• Inventeremis ožžojuvvojit maid mávssolaš dieđut dievasmahttit stáhta vuvddiid báikediehtomateriála, mii geavahuvvo earret eará vuvddiid dikšuma ja geavahusa plánemis.

Meahciráđđehusa inventeremiid meahcceráva

Boares ja luondduviđá vuvddiid inventerenofelaš (pdf 0,8 Mt)

Luodduriggodatguovddáža (Luke) árvvoštallan Meahciráđđehusa inventerenrávvagis (pdf 0,14 Mt)