Vuonccesloddelobiid vuovdinboddu nohká Davvi-Sámis 31.8., dalle vuovdimassii bohtet loahpat čavčča lobiin. Bottu áigge fuođđoplánejeaddjit lea beaivádan guovlluguovdasaš dihtoeriid aiddo gárvánan fuođđorehkenastimiid bohtosiid vuođul.
Vuonccesloddenálit leat rehkenastimiid mielde ealáskan. Rehkenastimiin áicojuvvon čivgaoasit ledje eanaš stuorrá ja beassádagat stuorrá. Oiddolaš dálkki lassin maiddái smávvaspirenálit leamašan vuollin, mii lea veahkehan vuoncceslottiid bessema lihkostuvvama.
Oppa riikka gaskaárvvuid mielde čuvččá, hurri ja bakku dávjodagat sturro ovddit jagis sulaid 40 % ja rievssatdávjodat badjánii báikkuid bures. Gaskadávjodagat leat vehá allagat go viđa maŋimuš jagi áigge gaskamearálaččat. Lunddolaš lea, ahte leat molsašuddamat guovlluid gaskka.
Oahpásmuva dárkileappot rehkenastimiidda Riistakolmiot.fi-bálvalusas.
Meahcástanáiggit molsašuddet gielddaid mielde. Eana- ja meahccedoalloministeriija lea evttohan čuvččá, hurri ja bakku meahcástanáigin stuorámus oasis riikka 10.9.-10.11. ja Oarje- ja Gaska-Sámis čuvččá meahcástanáigin 10.9.-10.12. Ministeriija ásahusa meahcástanáiggiin bođii fápmui aiddo meahcásteami álggedettiin. Geahča meahcástanáiggiid lohpeguovlluid bokte (pdf).
Lobiid vuovdin álgá gielddaid mielde
Vuovdin álggahuvvo guovlluid mielde:
Mátta-, Oarje- ja Nuorta-Suoma guovllut 27.8.
Salla, Suovvaguoika, Pelkosenniemi, Soađegilli, Giemajávri 28.8.
Nuortabađaeana ja Kainuu 29.8.
Giemaeana, Gihttel, Kolari, Muoná, Pello, Roavvenjárga, Ranua, Simo, Tervola, Badjeduortnus, Posio 30.8.
Eanodat, Anár, Ohcejohka 31.8.
Lobiid vuovdin álggahuvvo lohpevuovdinbeaivve dmu 9.00 sihke Eräluvat-neahttagávppis ja bálvalannummiris 020 69 2424. Neahttagávppis ja telefonvuovdimis vuvdet lobiid seammá dihtoearis.