Meahciráđđehus lea álggahan viiddis vásttolašvuođaprográmma. Vásttolašvuođageaidnokárta gárvána giđa mielde. Varas FIBS-vásttolašvuođafierpmádaga lahttuvuohta rahpá Meahciráđđehussii maiddái ođđa guoibmefierpmádagaid vásttolašvuođa ovddideamis. Vuolláičáledettiin FIBS:a máŋggahámatvuođasoahpamuša Meahciráđđehus háliida leat ain nannoseappot mielde dahkamin bargoeallima, mii leat eanet ovttaveardásaš ja vásttolaš.
– Vásttolašvuohta ja eará čanusjoavkkuid dárbbuid oktiiheiveheapmi lea doaibmamet váimmus. Min divššu vuollásaš álbmotopmodat lea dehálaš eanagottiid eallinfámolašvuođa, luonddu máŋggahámatvuođa ja kulturárbbi gáhttemis ja riikkavuložiid áhpásmuhttinanu doarjumis ja vejolažžan dahkamis, dadjá váldohoavda Pentti Hyttinen.
Vásttolašvuođaprográmma dahkko ovttasbarggus KPMG:ain. Álgojagi áigge Meahciráđđehus kárte deaŧalaš vásttolašvuođaáššiid ja buoridanbeliid doaimmastis. Vásttolašvuođageaidnokárta, mii gárvvásmuvvá giđđat, dahká strategalaš háltelinnjáid konkrehta vásttolašvuođabargui.
– Háliidat bealisteamet leat mielde čoavdimin globála birashástalusaid. Ođasmuvvi luondduváriid jierpmálaš ávkkástallan lea dás čoavddasajis. Mis lea čehppodat ja hállu ovddidit biodoalu, maiddái alit biodoalu, vuođđun lean čovdosiid ovttas guimmiiguin, linnje gulahallanhoavda Terhi Koipijärvi.
Meahciráđđehus searvvai FIBS-vásttolašvuođafierpmádaga lahttun ja vuolláičálii maiddái máŋggahámatvuođasoahpamuša. – FIBS-lahttovuohta lea midjiide dehálaš forum: gávdnat guimmiid ja oažžut dieđu ja vásáhusaid ođđaseamos vásttolašvuođaáššiin.Servodatlaš ja vásttolaš birasdoaibmin buktit maiddái iežamet investerema fierpmádahkii, dadjá Koipijärvi.
Sosiála vásttolašvuohta ja máŋggahámat bargoaddigovva leat guovddážis Meahciráđđehusa doaimmas. FIBS máŋggahámatvuođafierpmádaga lahttuvuohta doarju nannosit Meahciráđđehusa fuolahusárvvu, mas ovttas bargoveagain leat linnjen dehálažžan luonddu ja luondduváriid lassin maiddái olbmuid.
Lassidieđut:
Terhi Koipijärvi, gulahallanhoavda, Meahciráđđehus, tel. 050 5989 958
Pentti Hyttinen, váldohoavda, Meahciráđđehus, tel. 040 546 5227