Almmustahtton 3.8.2018

Sáná ráhpaid huksema agoartagilvu álgá

Ráhpat Sáná ala ledje fuones ortnegis ja dat burgojuvvojedje mannan gease. Ođđa ráhpaid huksema skáhppon lea dál jođus, ja ođđa ráhpat galggašedje leat anus geassit 2019.

Sáná máđijain fitnet jahkásaččat sulaid 25 000 guossi. 1990-logus morihedje dasa, ahte almmá láidesteaddji ráhkadusaid bálggis Sáná alážii leavvagođii ja oidnui guhkás duovdagis. Sánái huksejedje ráhpaid jahkeduháha molsašumis rašis duottarluonddu suodjaleami várás. Áššehasdorvvolašvuođa dihtii heajos ortnegii šaddan ráhpaid gárte burgit mannan gease.

Sánái gakcot das fuolatkeahttá, leatgo dohko ráhpat vai eai. Láidejuvvon johtimiin hálddašat luonddu- ja duovddaárvvuid hehtten bálgáid leavvama.

Ođđa ráhpat huksejuvvojit duovdagii vuogas minerálamateriálas.

Riikkabeaivvit mieđihedje ruhtadeami ođđa Sáná ráhpaide. Ođđa ráhpat huksejuvvojit duovdagii heivvolaš čievra- ja minerálamateriálas vehá dálážis sierra sadjái, muhto jo guhkes áigge leamašan bálgá ala. Linnjen ja minerálamateriála geahpeda ráhpaid meari ¾:ain.

Árabut muorraráhpain fuolatkeahttá oassi čohka ala gakcon olbmuin johte ráhpaid báldda dahje geavahedje eará máđijaid ja ná govdudit bálgá ovddežis. Ođđa čoavddus lea álkit johtit ja dorvvoleabbo ja ná sávvat dan láidet johttiid máđija ala buorebut go muorraráhpat. Muorraráhpat leat njaláhasa njuoskkasin.

Sáná bálgá vuolggasaji lea váttis gávdnat, ja dat lea priváhta eatnama alde. Sáná váldomáđija vuolggasadji lea boahttevuođas Málla luonddumeahci parkerensaji bokte. Bálgá ođđa linnjemiin sáhttit ávkkástallat Málla parkerensaji biillaide ja ordnet Sáná ja Málla luonddumeahci máđijaide oktasaš láidesteami. Maiddái dálá Sáná vánddardanmáđija ordnemii figgat dahkat doaimmaid, vai ee. Sáná birra johtin lihkostuvašii boahttevuođasge.

Máđijaid ja láidesteami ovddidemiin lea figgamuš dasa, ahte guovllu áhpásmuhttinatnu ovdánivččii hálddašuvvon vugiin, almmá guovllu suodjalanárvvuid hehttema.

Máđidjaášši leat gieđahallan máŋgga dilálašvuođas

Sáná máđidjaášši leat gieđahallan máŋgga Meahciráđđehusa Luonddubálvalusaid Giehtaruohttasa ja Sáná dikšun- ja geavahanplána gárvvisteami čanusjoavkkuin ja álbmotdilálašvuođain. Dikšun- ja geavahanplána ovttasbargojoavkkus leamašan mielde ee. Johtti Sápmelaččat rs., Gilbbesjávrri gilisearvi, Giehtaruohttasa bálggus ja Lappi luonddusuodjalanbire. Lassin plána lea kommenteren Sámedikki nammadan Akwé :Kon -bargojoavku.

Suodjalanárvvuid vuhtii váldima dihtii arkeologa ja biologa leaba dárkkistan máđija linnjema

Buresboahtin oahpásmuvvanbeaivái 28.8.

Meahciráđđehusa Luonddubálvalusat ordne oahpásmuvvantuvrra ođđa ráhpaid báikái maŋŋebárgga 28.8. dmu 9.00. Vuolgga Mallá parkerenbáikkis. Bures boahtin!

Lassidieđut:
Meahciráđđehus, Luonddubálvalusat
Gieddeoaivámuš Antti Ohenoja, tel. 045 113 1982, šleađgapoasta antti.ohenoja(at)metsa.fi