Sámiid ruovttuguovllu vuovdebálgosat, Sámediggi, Nuortalaččaid siidačoahkkin ja Meahciráđđehusa fitnodatdoaimmat álggahedje giđđat 2020 konfliktakártema stáhta vuvddiid ávkkástallama guoskevaš, jo badjel 50 jagi joatkašuvvan, riidduin. Kártemis earuhedje vejolašvuođaid riidduid čoavdimii.
Vuovdedoalus, boazodoalus, vuvddiid suodjaleamis ja turismaealáhusas leat eanageavaheami ektui oassái vuostálas dárbbut ja mihttomearit. Boazodoallu laktása lávga sámekultuvrii ja Meahciráđđehusas lea lága bokte geatnegasvuohta dorvvastit sámekultuvrra hárjeheami eavttuid.
Konfliktakárten álggahuvvui giđđat sámiid ruovttuguovllu vuovdebálgosiid, Sámedikki, Nuortalaččaid siidačoahkkin ja Meahciráđđehusa oktasaš mearrádusain. Konfliktakártema vuođđun leat badjel 50 olbmo jearahallamat ja duogášmateriála viiddis analysii. Konfliktakártema ollašuhtii sorjjasmeahttun birasriidduid čoavdimii spesialiseren Akordi Oy.
Kártema vuođul lea oaidnimis, ahte vuovdedoalu ja boazodoalu boahttevuođa suvdilisvuođa galggašii guorahallat ovttaskas, báikkálaš čuohppanguovlluid dahje doaibmabijuid, viidásut ollisvuohtan. Deaŧalaš livččii gávdnat mearrediđolaš ja luohttámuša huksen vuohki dorvvastit boazodoalu hárjeheami eavttuid ja boazodollui mieigan sámiid vuoigatvuođaid sámiid ruovttuguovllus.
Konfliktakártema bohtosat ávkkástallojuvvojit čakčat álgán sámiid ruovttuguovllu luondduriggodatplánemis. Meahciráđđehus gárvvista luondduriggodatplána vuovdedoalu guoskevaš oasi sámiid ruovttuguovllus bálgosiid guovdu ja juohke bálgosiin sierra ráđđádallamiin. Mihttomearrin lea sihke boazodoalu ja vuovdedoalu eavttuid mearrediđolaš dorvvasteapmi.
Lassedieđut luondduriggodatplánemis sámiid ruovttuguovllus
Konfliktakártema sáhttá lohkat e-almmustahttimiin čujuhusas
Lassedieđuid konfliktakártemis addá Meahciráđđehus guovlluhoavda Kii Korhonen, t. 0206397690