Lah-uv tun tohálâš miäcán, sosiaallâš já piergiih maaŋgâlágánij ulmuiguin sehe halijdah porgâđ rijjâtátulâšpargo áinoošlajâsii, hästee čuosâttuvâst Aanaar markkân alda orroo Piälppáájäävri meccikirhoost. Jis tun västidih kale, te mij faallâp uuccâmnáál rijjâtátulâšpargo, mii ana sistees ärbibiotoop tivodem, saavzâi hoittám, meccikirho já puddâhuksiittâsâi čurgâdvuođâ paijeentoollâm sehe jottei ravvim tast, ete maht čuosâttuvâst kalga toimâđ.
Mij uuccâp 1-2 rijjâtátulii ain ookon tâi kyevti ookon häävild (fáállun ohtsis 8 okkod). Vuossâmuuh rijjâtátuliih peesih porgâđ ohhoost, mii álgá 13.6.2022 já majemuš rijjâtátulâš vuálgá meddâl 8.8.2022. Rijjâtátulâžžân tun peesah uuccâđ tienuuvt, ete tiävdáh ucâmuš taan liiŋkâ peht (link.webropolsurveys.com, suomâkielân).
Tun puávtáh uuccâđ 24.5.2022 tijme 15 räi.
Mij ep määvsi päälhi tâi ereskin sajanmáávsuid rijjâtátuláid. Mij toohâp rijjâtátulijguin rijjâtátulâšpargo sopâmuš, mii täähid táhádâs rijjâtátulâšpargo ááigán. Tave-Laapi servikoddeovtâstume oomâst čuosâttuv já Meccihaldâttâs Laapi luándupalvâlusah hoittájeh kuávlu vandârdemhuksiittâsâid. Meccihaldâttâs Laapi luándupalvâlusah västideh rijjâtátulâšpargo orniimist Piälppáájäävri meccikirhoost. Laapi IJP-kuávdáš rävvee kiedi hoittáámist já servikoddeovtâstume västid čuosâttuv luándu hoittáámist já saavzâin.
Uáppáásm čuosâttâhân ovdil uuccâm:
Aktiviteteh Aanaar vandârdemkuávlust (luontoon.fi, suomâkielân)
Piälppáájäävri meccikirkko (lundui.fi)
Aanaar servikodde (inarinseurakunta.fi, suomâkielân)
Čuosâttuv hoittám ruttâdem puátá Laapi IJP-kuávdáá peht Helmi-ohjelmist. Tast lasetiäđuh tääbbin (ym.fi, suomâkielân)