Ođđa meahcceráhkadusat, luonddučájáhusat ja earálágan bargobájit lasihit leavttu Suoma, Norgga ja Ruošša Fennoskandia ruoná avádaga turismafitnodatovttasbarggu Lappis ja buktet davvi luonddualbmonemiid oahpisin guovllu mátkkálaččaide.
Suopmelaš, norgalaš ja ruošša ovttasbargoguoimmit dahket golbma jagi lávga ovttasbarggu PAN – Davvi luonddualbmoneamit -prošeavttas, man bohtosat leat oaivvilduvvon turismafitnodagaide, mátkkálaččaide, skuvllalaččaide ja báikkálaš olbmuide.
Duvle Norggas ordnejuvvui vuosttas bargobádji muorraarkitektuvrras, mas ságastalle báikkálaš muora ávkkástallamis Lappi turismahuksemis ja vánddardanráhkadusain. Ieš huksenbargu álggahuvvo Sallas, mas gárvvistat Salladuoddara lagašguovlluide máŋga ođđaáigásaš luonddualbmonemiid áicanbáikki. Prošeavttas buvttadit maiddái čájáhusaid, av-čájálmasaid ja luonddubajásgeassinmateriála buot oassálastiriikkaide.
Oktasaš riikkaidgaskasaš bargobájiin ja seminárain gullat ja juohkit ođđa dieđu, lasihat ovttasbarggu turismadoaibmiid ja luonddusuodjalanguovlluid gaskkas ja oažžut ođđa geažidemiid ođđa turismabuktagiid ovddideapmái. Seammás maiddái Fennoskandia ruoná avádaga luondduguovddážat ja oahpistanbáikkit šaddet fierpmádahkan.
PAN – Davvi luonddualbmoneamit -prošeavtta ruhtadeapmi boahtá EU:a ENI Kolarctic CBC –ránnjávuođaprográmmas, našuvnnalaš ruhtadeapmi Norggas, Ruoššas ja Suomas ja priváhta ruhtadeapmi Matkalle Sallaan ry:s. Prošeavtta jođiha Meahciráđđehusa Luonddubálvalusat.
Lassidieđut:
PAN – Davvi luonddualbmoneamit -prošeavtta prošeaktaoaivámuš Riina Tervo, riina.tervo(at)metsa.fi, tel. 040 758 5472
Fennoskandia ruoná avádat lea dálá ja plánejuvvon luonddusuodjalanguovlluid gehtet Suoma, Norgga ja Ruošša rádjaguovlluin: www.ym.fi/fi-FI/Kansainvalinen_yhteistyo/Fennoskandian_vihrea_vyohyke
Mielde prošeavttas leat Suomas Meahciráđđehus, Salla gielda, Lappi ámmátallaskuvla, Nuoraidguovddáš Vasatokka. Ruoššas oassálastet Báhčaveaji luonddumeahcci ja Davvi industriija ekologalaš váttisvuođaid dutkanlágádus (INEP) ja Norggas Biotope As – arkiteaktadoaimmahat, Norgga biodoalloinstituhtta (NIBIO) ja Badje-Báhčaveaji álbmotmeahccehálddahus: www.metsa.fi/pan
Guovssahasat Hiipinätunturi álbmotmeahci bajábealde Murmánskka guovllus Ruoššas. Govvii Vitaliy Istomin.