Eaktodáhtolaš bargguid ordne Ohcejoga gielda ovttas Lappi EJB-guovddážiin, Meahciráđđehusain, searvegottiin sihke báikkálaš olbmuiguin ja bartaeaiggádiiguin. Eaktodáhtolaš barggut leat 22.-24.8. Fierranjoga ja Nuvvosa gaskkas. Lehpet liekkusit bures boahtán njáskat ja návddašit fiinna kultureanadagas. Bárgut álget juohke beaivve dmu 10.
Čoahkkanat oktasaš infodilálašvuhtii Savvona/Vuovdaguoikka goađi lusa 22.8. dmu 10. Vuovdaguoikka hávdeeatnama lahka lean goađi lusa lea mátki Gáregasnjárggas sulaid 26 km ja Ohcejogas 75 km Deanugeainnu mielde. Tuomo Kokkoniemi muitala Meahciráđđehusa boaldinmuorralobis duovdaga dáfus árvvolaš báikkiin. Marjut Kokko Lappi EJB-guovddážis muitala viđajahkásaš eanadatdikšunsoahpamušain, maid eanaoamasteaddjit sáhttet dahkat EJB-guovddážiin. Lassin boares ráhkadusaid ordnemii ja dikšumii sáhttá ohcat doarjaga Lappi EJB-guovddážis dahje Musealágádusas. Vuovdaguoikka dálonguovlosearvi ordne káfiid olbmuide.
Eaktodáhtolaš bargguin njáskojuvvon báikkit leat válljejuvvon eanadatdikšunplána, eanaoamasteaddjiid aktiivvalašvuođa ja ealgavárraguovlluid vuođul. Vuovdaguoikka dálonguovlosearvi ordne eaktodáhtolaš bargiide njálgga biebmu juohke beaivve. Boaldinmuorra lea fállojuvvon eaktodáhtolaš olbmuide stáhta eatnamiin dađi mielde go dat čoggojit. Iežas saháid ja mašiinnaid geavaheamis oažžu eaktodáhtolaš barggu buhtadusa. Boaldinmuorran dohkketmeahttun ávnnas čohkkejuvvo geaidnogurrii sohppojuvvon báikkiide, gos EJB-guovddáš ordne daid fievrredeami eret.
Deanugeainnu eanaoamasteaddjit sáhttet dahkat vahku 35 loahpa rádjai njáskamiid iežaset eatnamiin ja soahpat Deanugeaidnogurrii čohkkejuvvon njáskanbázahuslánaid fievrrideamis eret EJB-guovddážiin. Njáskanbázahus galgá sajuštuvvot geaidnogurrii nu, ahte dat ii hehtte geaidnodorvvolašvuođa. Barggut álggahuvvojit Min eanadagat (Meidän maisemat) -Leader-fidnus ja Deanujoga Interreg Nord -fidnus.
Lassidieđut eaktodáhtolaš bargguin oažžu EJB-guovddážis Marjut Kokkos, t. 0400 304 745 dahje marjut.kokko(at)ely-keskus.fi