Meahciráđđehusas jahki 2017 lei vuosttas ollislaš doaibmajahki ođđa meahciráđđehuslága mielde. Jahki lei menestupmi – boađus lei boađusmihttomeari bajábealde ja maiddái eará Meahciráđđehussii mearriduvvon mihttomeriin lihkostuvve. Meahciráđđehusa menestupmi gáibida čanusjoavkkuid sierra sávaldagaid ja dárbbuid oktiiheiveheami.
Konsearna vuovdimat ledje 328 miljon euro, mii lei unnit go ovddit jagi vuovdimat (341 miljon euro). Meahciráđđehuskonsearna jahkeboađus lei 105,9 miljon euro. Meahciráđđehus máhcaha stáhtii jagi 2017 bohtosis 92,7 miljon euro. Lassin Meahciráđđehusa Vuovdedoallu Os máksá bohtosis vearu 5,4 miljon euro.
“Doaibmat ovttas ja oktilaččat. Mihttomearrámet lea ovddidit vásttolaččat stáhta eana- ja čáhceopmodaga ávkkástallama nu, ahte das boahtá ávki buoremus vejolaš lági mielde oppa servodahkii”, váldohoavda Pentti Hyttinen muitala.
Menestupmi buot vástosurggiin
Meahciráđđehusa váldofitnodatdoaimmas vástidan Meahciráđđehus Vuovdedoallu Os vuovdimat ledje 296,7 miljon euro ja fitnodatvuoitu 26,5 miljon euro. Fitnodaga doaimmalaš boađus lei hui buorre. Luonddu máŋggahámatvuođa ovddidedje almmolaš servodatlaš geatnegasvuođaid investeremiid bokte 37 miljon euroin. Meahciráđđehusa Giddodatovdáneapmi boađus jagi 2017 lei 16,5 miljon euro. Turismma lassáneapmi oidnui Giddodatovdáneamis ealáskan duktasajiid jearrun. Bieggafápmofitnodatdoaimmas jahki 2017 lei einnostusaid mielde huksema jahki ja stáhta eatnamiidda bohte guokte ođđa bieggafápmopárkka.
Meahciráđđehusa almmolaš hálddahusdoaimmaid ovttadaga dahjege Luonddubálvalusaid ja Fuođđobálvalusaid barggu váikkuhus stuorui máŋgga mihttára bokte. Álbmotmehciid galledanmearit loktanedje 10 proseantta jagi 2016 ektui ja ledje buohkanassii 3,1 miljon galledeami. Galledeaddjit bukte rehkenastima biirres lean suodjalan-, vánddardan- ja historjábáikkiid lagašguovlluide 258 miljon euro. Dat lea 11 proseantta eanet go jagi 2016. Maiddái guolásteaddjiid ja meahcásteaddjiid váikkuhus guovlluekonomiijai lei mearkkašahtti. Fuođđoáššehasaid oppalašsisaboahto- ja barggolašvuođaváikkuhusat ledje lagabui 43 miljon euro ja 261 olmmošbargojagi.
Meahciráđđehus lei nannosit mielde Suoma iehčanasvuođa 100-jagidáhpáhusa ordnemiin. Alimus dáhpáhussan ledje Luonddu beaivvit, Hossa álbmotmeahci rahpandoalut ja nuoraide oaivvilduvvon Bioaika-dáhpáhusturnee.
Nuppástusnávccalaš ja vásttoleabbo boahttevuođa guvlui
Meahciráđđehus ollašuhtii oamasteaddjipolitihka čuovvu ráhkaduslaš ordnemii ja luobai fitnodatdoaimmas, mas šattai dáhpa. Ovdamearkan vesáfitnodat Fin Forelia vuvdojuvvui. Doaimma beavttálmahttima dihtii doaimmaid geahpededje eandalii konsearnahálddahusas.
Vásttolašvuohta lea mearkkašahtti oassesuorgi ođđa oktilaš Meahciráđđehusa ovddideamis ja dat, mii ovttastahttá buohkaid Meahciráđđehusa bargiid. Meahciráđđehus álggahii viiddis vásttolašvuođaprográmma huksema jagi 2017 loahpas ja searvvai FIBS-vásttolašvuođafierpmádaga lahttun.
“Servodatlaš ja vásttolaš luondduresursadoaibmin háliidat bealisteamet leat čoavdimin globála birashástalusaid nu, ahte buoridat geažos áigge doaibmamet. Háliidat maiddái ain nannoseappot dahkat eanet ovttaveardásaš ja vásttoleabbo bargoeallima”, Pentti Hyttinen joatká.
Lassidieđut:
Váldohoavda Pentti Hyttinen, tel. 040 546 5227
Gulahallanhoavda Terhi Koipijärvi, tel. 050 598 9958