Duorastagas 2.5.2019 rájes sáhttá várret Meahciráđđehusa Luonddubálvalusaid bajásdoallan várren- ja láigostobuid jahkái 2020. Várremiid sáhttá dahkat Eräluvat neahttagávppis dahje bálvalannummiris. Smávva oassi stobuin lea láigoheamis guovllu luondduguovddážiin dahje min ovttasbargoguimmiid bokte.
Meahciráđđehusa Luonddubálvalusat bajásdoallá vánddardeaddjiid atnui sulaid 150 várren- ja láigostobu álbmotmehciin, eará luonddusuodjalanguovlluin ja meahcceguovlluin. Stobuid várren jahkái 2020 rahpasa duorastaga 2.5.
Eanaš oassi stobuin leat várremis Eräluvat neahttagávppi bokte dahje bálvalannummiris 020 692424. Muhtun stobuid sáhttá várret luondduguovddážiid bokte. Stobuid várrenáiggit molsašuddet, ja muhtumiid sáhttá várret dušše olles vahkuide. Stobuin sáhttet leat maiddái ráddjehusat várrenáiggi guhkkodahkii, vai nu máŋgasat go vejolaš, beasašedje návddašit dain.
Lundui.fi-neahttabálvalusas stohpogovvádusat ja várrenrávvagat
Várrema smiehttan gánneha fitnat čujuhusas https://www.lundui.fi/stobut oahpásmuvvamin stohpofálaldahkii ja dárkkisteamen várrema dahkama dárkilut dieđuid.
Várren- ja láigostobuid lassin vánddardeaddjiide leat nuvttá beaive- ja ávdinstobut. Beaivestobut leat oaivvilduvvon vánddardeaddjiid beaiveatnui, ja dušše spiehkastatdáhpáhusain dain oažžu idjadit. Avdinsobut leat oaivvilduvvon vácci, čuoigga dahje eará vugiin deahkkefámuiguin johtán priváhta olbmuid gaskaboddasaš vuoiŋŋastan- ja idjadanatnui.
Lassidieđut
Spesiálaplánejeaddji Olli-Petteri Help, telefon 040 7450536
verkkokauppa.eraluvat.fi
www.lundui.fi/stobut