Gaskavahku 2.5.2018 rájes sáhttá dahkat várremiid Meahciráđđehusa Luonddubálvalusaid bajásdoallan várren- ja láigostobuide jahkái 2019. Várremiid sáhttá dahkat Eräluvat-neahttagávppis dahje bálvalannummiris. Smávva oassi stobuin lea várrenláhkái dušše guovllu luondduguovddážis.
Meahciráđđehusa Luonddubálvalusat bajásdoallá vánddardeaddjiid atnui sulaid 150 várren- ja láigostobu álbmotmehciin, eará luonddusuodjalanguovlluin ja meahcceeanaguovlluin.
Stuorámus oassi stobuin lea várrenláhkái Eräluvat neahttagávppi bokte dahje bálvalannummiris 020 692424. Muhtun stobuid sáhttá várret dušše luondduguovddážiid bokte. Stobuid várrenáiggit molsašuddet, eanaš oasis sáhttá várret háliiduvvon guhkkosaš áigái, muhto muhtumiid dušše olles vahkkui. Bivnnuheamos stobuin sáhttet leat ráddjehusat várrema guhkkodahkii, vai nu máŋggas go vejolaš livččii vejolašvuohta návddašit stobuin.
Lundui.fi-neahttabálvalusas stohpogovvádusat ja várrenrávvagat
Várrema smiehttan olbmo gánneha fitnat čujuhusas www.lundui/stobut oahpásmuvvamin stobuide ja dárkkisteamen várrema dahkamii dárbbašlaš dieđuid.
Várren- ja láigostobuid lassin vánddardeaddjiide leat fállon nuvttá beaive- ja ávdinstobut. Beaivestobut leat oaivvilduvvon vánddardeaddjiid beaiveatnui, ja dušše spiehkastatdáhpáhusain dain sáhttá idjadit. Ávdinstobut leat oaivvilduvvon vácci, čuoigga dahje eará láhkai iežas fámuiguin lihkadeaddjiid priváhtaolbmuid gaskaboddasaš vuoiŋŋastan- ja idjadanatnui.
Lassidieđut:
https://verkkokauppa.eraluvat.fi/fi/
www.lundui/stobut