Meahciráđđehusa innovašuvdnabálkkašupmi mieđihuvvui Meahciráđđehus Vuovdedoallu Os eanageavahanoaivámuš Antti Maukosii ja luonddubuktagiid mobiilalohpái. Maukonen jođihemiin Meahciráđđehus lea vástidan luonddubuktagiid ain sturron jerrui dahkamiin buktagiid ja rávvemiin luonddubuktagiid čoaggima ja álkidahttán daid oažžuma.
Mobiilalohpi lea lasihan stáhta eatnamiid luonddubuktagiid čoaggima ja ávkkástallama ja álkidahttán dása gullevaš áššehasaid ja maiddái Meahciráđđehusa barggu. Persovnnalaš mobiilalobi telefovnnain skáhppodettiin lea sáhttán Meahciráđđehusa vuovdedoalloanus lean máŋggageavahanvuvddiin čoaggit luonddubuktagiid, dego čátná, lavnnji, gohciid ja guosa nuorravesáid.
Jagi birasdahkubálkkašupmi mieđihuvvui Luonddubálvalusaid ovddidanhoavda Mikko Tiirai riikkaviidosaččat dehálaš Life-fidnuid ovdii dahkkon ánssolaš barggus. Tiira ánssuin lea ožžon olu Meahciráđđehusa jođihan fidnuid, main ovdamearkan Luonnonhoito-Life (luonddudikšun), Paahde-Life (goarddabáikkit), Saimaannorppa-Life (saimaagahtte) , Freshabit-Life, Metsäpeura-Life (vuovdegoddi) ja Hydrologia-Life.
EU:a ruhtadan Life-fidnut ovddidit stuorámus riikkaviidosaš birasfidnuid ja daid váikkuhus máŋggahámatvuođa bisseheamis lea mearkkašahtti. Fidnut leamašan mearkkašahtti investeren suopmelaš biras- ja luonddusuodjaleapmái jo lagabui guovtti jahkelogi áigge ja dain leat ožžon Supmii EU-ruhtadeami badjel 70 miljon euro. Otná beaivve oassi stáhta eatnamiin dahkkon eallinbirrasa ovddežiin dikšuma ja dikšundoaimmain dahkko oassin Life-fidnuid.
Lasi luonddubuktagiid mobiilalobis: https://www.metsa.fi/luonnontuoteluvat
Lasi Life-fidnuin Fidnut-siidduin: https://www.metsa.fi/hankkeet
Lassidieđut:
Ovddidanhoavda Tapio Pouta, +358 40 029 5909, tapio.pouta(at)metsa.fi
Gulahallanhoavda Terhi Koipijärvi, +358 50 598 9958, terhi.koipijarvi(at)metsa.fi