Almmustahtton 10.1.2018 dmu 13:00
Meahciráđđehus lea mearridan vuođđudit 2018 giđđat bargojoavkku, mii ovddida vuovdebargiid dálveáigge barggolašvuođa. Mihttomearrin lea gávdnat ođđa innovatiivvalaš čovdosiid, maiguin figgat dorvvastit vuovdebargiid guovddášdálvvi barggolašvuođa.
Vuovdebargiid dálveáigge barggolašvuođavejolašvuođaid guorahallamii vuođđuduvvo bargojoavku, masa bovdejuvvojit ovddasteaddjit Meahciráđđehusa eará boađusovttadagain ja vástosurggiin. Jovkui figgat oažžut maiddái ealáhuseallima ja BE-bálvalusaid ovddasteaddjiid.
– Bargojoavkku mihttomearrin lea gávdnat čovdosiid, maid heivehemiin Meahciráđđehus ii dárbbašivčče boahttevuođas šat bidjat vuovdebargiid luomuide, lohká Meahciráđđehusa váldohoavda Pentti Hyttinen.
Meahciráđđehusa Vuovdedoallu Os mearridii vuovdebargiid luomuid guoskevaš ovttasdoaibmaráđđádallama vuođul bidjat oasi vuovdebargiin luomuide 27.12.2017 – 25.3.2018 gaskasaš áigái. Vuovdebargiide figge jo ovttasdoaibmaráđđádallamiid áigge gávdnat eará bargovejolašvuođaid, eaige dat gávdnon doarvái olu. Ovttasdoaibmaráđđádallamat guske buot 276 vuovdebargi. Luomuide gárte 187 vuovdebargi, ja daiguin ohccojuvvo sullii miljon euro goasttádusseasttu.
– Háliidat leat vásttolaš bargoaddi ja figgat vel boahttevaš dálvviid ektui smiehttat ovttas ođđalágan čovdosiid. Bovdet dán bargui fárrui maiddái Meahciráđđehusa olggobeale beliide dego ealáhuseallima ja BE-bálvalusaid ovddasteaddjiid, muitala Hyttinen.
Vuovdebargiid dálveáigge barggolašvuođavejolašvuođaid ovddideaddji bargojoavku bovdejuvvo čoahkkái jagi 2018 giđđat.
Lassidieđut:
Váldohoavda Pentti Hyttinen 040 5465227
Beaivválaš jođiheaddji, Meahciráđđehus Vuovdedoallu Os, Jussi Kumpula 0400 388614 / Vuovdedikšunhoavda Heikki Savolainen, 0400 234976