Meahciráđđehus lea oahpásmuvvan Helssega hoavvarievtti 21.5.2018 addán dupmui muorrakarteallaáššis ja oaidná, ahte váidinlobi bivdimii alimus rievttis lean dán dáhpáhusas leat ákkat.
Meahciráđđehus lea oahpásmuvvan fuolalaččat hoavvarievtti mearrádussii ja ohcá nuppástusa gildojuvvon gilvvohallanráddjemii vuođđuduvvan vahátbuhtadusáššis alimus rievttis. Meahciráđđehus oaidná, ahte karteallavahága guoskevaš riektegeavadaga ovdáneapmi ja vahága gillán sajádaga čielggasmahttin duvdet nuppástusohcama. Hoavvarievtti mearrádusas lea viidásut servodatlaš mearkkašumi ja maiddái almmolaš ovdu gáibida Meahciráđđehusa doaibmat.
Nuppástusohcan alimus rievttis gáibida váiddalobi. Meahciráđđehusa váiddalohpi ja váidda bohtet čuohcit áššeoppalašvuođa guovddáš vuoigatvuođagažaldagaide ja váidda boahtá rádjašuvvat ovddit riektedásiid gieđahallamis.
Meahciráđđehus gárvvista bárrásiin nuppástusohcančállosiid. Čállosiid galgá guođđit alimus riektái 20.7.2018 rádjai. Nuppástusohcama goasttádusat alimus rievttis bohtet leat áššeoppalašvuhtii ja ovddit goluid ektui mášolaččat.
Lassidieđut:
Timo Laitinen, stivra sátnejođiheaddji, Meahciráđđehus, tel. 0400 603 561
Terhi Koipijärvi, gulahallanhoavda, Meahciráđđehus, tel. 050 598 9958
Duogáš:
Gilvvohallanvirgedoaimmahat (dálá Gilvvohallan- ja golaheaddjivirgedoaimmahat) álggahii 2004 UPM ohcamuša vuođul viiddis dutkama, mii nogai čuovvumušmáksinevttohussii márkanriektái jagi 2006. Márkanrievtti 4.1.2010 lága fámu ožžon čovdosa mielde UPM, Metsäliitto Osuuskunta ja Stora Enso ledje soahpan lágahis oastinkartealla muora riikkaviidosaš márkaniin 1997-2004 ja das mearriduvvui badjel 50 miljon euro čuovvumušmávssu.
Vuovdefitnodagaid lágahis doaimma dihtii Meahciráđđehus njukčamánus 2011 čuoččáldahtii váidaga karteallafitnodagaid vuostá Helssega gearretrievttis, mii hilggui váidaga geassemánus 2016 addán duomuinis. Helssega hoavvariekti attii čovdosis muorrakarteallaáššis miessemánus 2018 ja dat ii nuppástuhttán gearretrievtti duomu loahppabohtosa. Helssega hoavvarievtti čoavddus čájehii, ahte karteallas boahtán vahágiid duođašteapmi lea hui váttis.