Mávssuvuollásaš parkeren geahččaluvvo loahppagease áigge Sipoonkorpi álbmotmeahcis oaivegávpotguovllus, Koli álbmotmeahcis Davvi-Gárjilis, Riisitunturi álbmotmeahcis, Gilonanoaivvis Urho Kekkonen álbmotmeahcis ja Korouoma suodjalanguovllus Lappis. Parkerenmávssuin boahtán sisaboađut mannet vánddardančuozáhagaid bajásdollui. Mihttomearrin lea gokčat goluid, mat bohtet parkerenguovlluid, geainnuid ja vánddardanráhkadusaid bajásdoallamis.
Parkeren máksá euro diimmu ovddas dahje vihtta euro jándoris viđa vánddardančuozáhagas, mat leat mielde geahččaleamis. Parkerema vuosttas 30 minuhta leat nuvttá. Parkeren máksojuvvo mobiilaheivehusain. Parkeren lea mávssuvuollásaš čuovvovaš parkerensajiin dmu 9-18:
- Sipoonkorpi álbmotmeahcci: Tasakallio 2 parkerensaji (invadovddaldagain parkeren seailu nuvttá, bálddas álgá Storträsk easttahis máđidja) ja Kalkkiuunintie guokte parkerensaji. Sipoonkorpi earát parkerensajit seilot doaisttážii nuvttá parkeremis.
- Koli álbmotmeahcci: Ylä-Kolintie P1-, P2- ja P3-parkerensajit. Hotealla Kolis idjadeaddjiide parkeren lea ain nuvttá. Koli earát parkerensajit seilot doaisttážii nuvttá parkeremis.
- Urho Kekkonen álbmotmeahcci: Gilonanoaivvi Meahciráđđehusa parkerensadji. Álbmotmeahci earát parkerensajit seilot doaisttážii nuvttá parkeremis.
- Riisitunturi álbmotmeahci parkerensadji
- Korouoma Saukkovaara parkerensadji
Mávssuvuollásaš parkerema geahččaleapmi álgá ĉuozáhagain loahppagease áigge. Dárkilut áigetávvalis almmuhuvvo Luonddubálvalusaid Luontoon-bálvalusas, go dat čuozáhagaid buohta sihkkarasto. Geahččaleapmi bistá giđa 2027 rádjai.
– Dilis, mas Meahciráđđehusa vánddardančuozáhagaid bajásdollui stáhta bušeahtas boahtán ruđat geahppánit, mii fertet ohcat ođđa vugiid goluid gokčamii. Almmolaš ságastallamis boahtá dávjá ovdan, ahte máŋggat livčče gárvásat máksit álbmotmehciin fállojuvvon bálvalusaid ovddas. Čuovvutge dál beroštumiin, makkár vásáhusat parkerenmávssuid geahččaleamis ožžojuvvojit. Álbmotmehciid máđijat, bosihansajit ja earát bálvalusat seilot nuvttá anus maiddái boahttevuođas, Áššehasvuođajođiheaddji Elias Haapakorva Meahciráđđehusa Luonddubálvalusain muitala.
Parkerenguovlluide ja geainnuide gullevaš golut leat okta vánddardanguovlluid bajásdoallangoasttádusain. Ovdamearkan Sipoonkorpi álbmotmeahcis parkerenguovlluide ja geainnuid bajásdollui gullevaš golut leat sulaid 11 000 euro jagis. Lassin geainnuid ja parkerenguovlluid vuođđudeapmái gullát mearkkašahtti goasttádusat.
Eurohpás álbmotmehciid parkerensajit leat máŋgga riikkas mávssuvullosaččat. Meahciráđđehusa Luonddubálvalusat lea válljen mávssuvuollásaš parkerema geahččaleapmái dakkár bivnnuhis vánddardančuozáhagat, mat leat lahka stuorra viidunguovddážiid lahka dahje main leat olu parkeremat.
– Dieđusge sávvat maiddái, ahte mávssuvuollásaš parkeren movttiidahtášii olbmuid joavkosáhtuide ja almmolaš johtalusoktavuođaid ávkkástallamii.
Lassedieđut mediai:
- Elias Haapakorva, áššehasvuođajođiheaddji, +358 40 183 1214, ovdanamma.sohkanamma@metsa.fi