Meahciráđđehus buorida ja ođasmahttá Geavu vánddardanráhkadusaid geasi 2022 áigge. Deháleamos čuozáhahkan lea Guivvi stobu bargoeana, man dihtii okta bosihansadji lea ollásit eret geavahusas. Guivvi lassin máŋgga bosihansajis buoridit goikehivssehiid ja muorravisttiid ja earáid bosihansajiid ráhkadusaid. Čuozáhagat gárvánit geasi 2022 áigge, maŋimužžan Guivvi stohpu čakčat.
Meahciráđđehusa luonddubálvalusat ávžžuha garrasit, ahte Geavu luonddumeahci Guivvi máđija ii geavahuvvo geasi 2022 áigge. Háliidit sihkkarastit áššehasdorvvolašvuođa, dasgo huksenbargoeana lea jo jođus ja bargoeatnamis lihkadeapmi ii leat lobálaš. Huksenbargoeana lea viiddis ja dan siskkobeallai báhcet ee. árabut tealttástallamii geavahuvvon guovlu. Mihcamáraid áigge álgá maiddái goikehivsseha huksen.
Boares Guivvi stobu ja bosihansaji bálvalusat eai leat geavahusas. Dán muttus doppe ii leat goikehivsset, iige tealttástallan leat vejolaš. Boares Guivvi stohpu lea huksejeaddjiid geavahusas.
– Galhan dát dieđusge váikkuha vánddardeaddjiide gaskaboddosaččat, muhto bálvalusat buorránit fuomášahtti olu. Ja ferte giitit vánddardeaddjiid ovddalgihtii jo das, ahte sii vuhtiiváldet dán bargoeatnama mii lea jođus eaige riskere iežas dorvvolašvuođa, muitala Meahciráđđehusa huksenmeašttir Lauri Mäenpää.
Guivvi máđija garvin lea dárbbašlaš dorvvolašvuođa, muhto maiddái vánddardeami vuogasvuođa dihtii. Gohtten Geavu luonddumeahcis lea lobálaš dušše bosihansajiid oktavuođas. Go Guivvi bosihansadji ii leat geavahusas, lea oaneheamosge mátki čuovvovaš bosihansadjái 22 km (Fiellu-Áhkogoahti).
Meahciráđđehus ávžžuha geavahit báikkálaš bálvalusaid ja jearrat biillasirdin- dahje fievrridanbálvalusa ávžži máđija nuppi geažis nubbái.
Vánddardanbálvalusaid dási buorideapmi máŋgga čuozáhagas
Guivvi stobu lassin Áhkogoađis, Njávgoaivvis, Fiellus ja Suohpášádjagis buoridit bálvalanstruktuvrraid. Goikehivssehat, muorravisttit ja bosihansadjeráhkadusat ođasmahttojuvvojit dollasajiid miel. Dát bosihansajit leat geavahusas vánddardeaddjiin olles geasi.
Loga lasi:
Geavu luonddumeahcci (lundui.fi/geavuluonddumeahcci)
Lassedieđut:
Huksenmeašttir, Lauri Mäenpää, Meahciráđđehus/Davvi-Sámi párkaguovlu, tlf. 040 614 6106, e-mail: lauri.maenpaa(at)metsa.fi