Eaktodáhtolaš luonddukártejeaddjiid čohkken materiála stáhta mehciin dievasmahttá Meahciráđđehusa iežas dieđuid áitatvuloš šlájaid gávdnosiin. Kone foandda ruhtadan inventerenraporta almmustahttui 30.3.
”Mii giitit bargojoavkku inventerenraporttas, mii oahpásmuvvat dása fuolalaččat ja analyseret materiála. Mii dahkat raporterejuvvon čuozáhagain guovlluekologalaš seassama ja šládjainventeremiid,” Meahciráđđehus Vuovdedoallu Oy fitnodatjođiheaddji Jussi Kumpula muitala.
Raporttas ovdanbukton árvvoštallama mielde stáhta eatnamiin lea sullii 135 000 hehtára luonddumeahcci, mii ii leat suodjaluvvon.
”Vai sáhttit ságastallat luonddumehciin, mis galggašii leat ovttalágán vásihus das, mii lea luonddumeahcci. Dán muttus dán tearpmas eai leat oktasaččat dohkkehuvvon kritearat našuvnnalaš dásis iige EU-dásis. Daid oažžut doaivvu mielde geasi rádjái. Ovdamearkka dihtii eanaš raporttain máinnašuvvon čuozáhagain lea guhkes vuovdedoallohistorjá”, Kumpula gávnnaha ja joatká:
”Jáhkán, ahte mis lea luonddukártejeaddjiiguin goittotge seamma mihttomearri: šlájaid ja luonddutiippaid áitatvuložin šaddama bisseheapmi ja EU máŋggahámatvuođastrategiija gáibidan našuvnnalaš čatnašumiid ollašuhttin.”
Vuovdedoalu Lajidemo-prošeavttas lea inventerejuvvon dása, mo dihtosis leahkki áitatvuloš šlájaid sáhtašii vuhtiiváldit buorebut vuovddi gieđahallamis.
”Visot áitatvuloššládjagávdnosat eai gáibit olles vuovddi ráfáiduhttima dahje guođđima gieđahallama olggobeallai. Dávjá reahkká, ahte vuovddi gieđahallojuvvo vuhtiiváldimin guovllus gávdnon šlájaid ovdamearkka dihtii gokčevaš čuohppanvugiin dahje guođđimin guvlui šlájaid dáfus deháleamos muoraid”, vuvddiidgeavahan- ja plánenhoavda Hannu Lehtonen govvida.
Meahciráđđehus lea mannan jagiin lasihan fuomášahtti olu aktiivvalaš luonddudikšundoaimmaid lotnolasgeavahanvuvddiin mat leat ekonomiijageavahusas. Maiddái bargoveaga šlájaid dovdan lea buoriduvvon bálkádemiin máŋggaid šládjaáššedovdiid.
Lassedieđut:
Meahciráđđehus Vuovdedoallu Os, beaivválaš jođiheaddji Jussi Kumpula, tel. 0400 388 614
Meahciráđđehus Vuovdedoallu Os, vuvddiidgeavahan- ja plánenhoavda Hannu Lehtonen, tel. 040 583 6983