Meahccejohtaluslobit stáhta eatnamiidda leat dál ohcanláhkái álkit Eräluvat.fi-neahttagávppis vuhtiiválddekeahttá golmma davimus gieldda. Ođđa lohpeohcan guoská johtolaga meahccejohtalusluottain go maiddái luottaid olggobealde sihke muohttaga áigge ja bievlan.
Lobiid sáhttá ain oastit Meahciráđđehusa áššehasbálvalanbáikkiin ja bálvalannummiris (020 69 2424).
Luoddalobit stáhta eatnamiid mávssu vuollásaččat, virggálaš máđijain oažžu vuodjit skohteriin nuvttá
Meahciráđđehusa skohtervuodjinlobit leat mávssu vuollásaččat, eahpevirggálaš vuodjinfávllit, mat lága mielde meroštallojuvvojit meahccin. Skohtervuoddji sáhttá skáhppot dáid luottaide persovnnalaš dahje bearraša oktasaš mávssu vuollásaš lobi. Lobi haddi molsašuddá ovccis viđalogi euroi dan mielde, man guhkes áigái lobi ohcá. Ruovttugildii ohccojuvvon lohpi lea nuvttá.
Virggálaš skohtermáđijat fas leat skohterjohtolahkii oaivvilduvvon, geaidnojohtolatlágas meroštallojuvvon geainnut. Virggálaš máđijain vuodjin lea nuvttá, das beroškeahttá gean eaiggáduššan eatnamis máđija lea. Máđijaid bajásdoallan gullá gielddaide dahje skohterpolaide (servviide). Máđijaid olggobeale skohtervuodjin gáibida álo eanaeaiggáda dahje skohterluotta bajásdoallan beali lobi, vuhtiiválddekeahttá jieŋa alde, gos oažžu vuodjit skohteriin friddja. Stáhta eatnamiidda lobi mieđiha Meahciráđđehus.
Eará meahccejohtaluslobit stáhta eatnamiidda
Luottaid olggobeale meahccejohtalus muohttaga áigge ja buot bievlaáigge meahccejohtalus stáhta eatnamiin lea lága mielde váldoprinsihpa mielde gildojuvvon. Ákkastallojuvvon dárbui Meahciráđđehusas sáhttá ohcat sierra meahccejohtaluslobi.
Sivat meahccejohtaluslohpeohcamuššii leat ovdamearkan dárbu johttit giddodahkii luoddalosádusa olggobealde, fuođđo- ja guolleváriiddikšumii gullevaš doaimmat, dutkanbargu dahje dáhpáhusa ordnen. Dáiguin berrojuvvon máksu lea gitta das, ohccojuvvogo lohpi ruovttugildii dahje man vuđolaš čielggadanbarggu dahje vuoigatvuođalaš guorahallama Meahciráđđehusas gártet bargat.
Dákkár meahccejohtaluslobit gieđahallojuvvojit maŋimustá 15 árgabeaivvi siste lohpeohcamuša guođđimis.
Spiehkastat elektrovnnalaš luoddalohpeohcamii lea vel Eanodaga, Anára ja Ohcejoga gielddalaččaid ruovttugieldasis ohccojuvvon muohttaga áigge meahccejohtaluslobit. Dat ohccojuvvojit ain Meahciráđđehusa báikkálaš áššehasbálvalanbáikkis. Jagi 2020 daidge sáhttá ohcat elektrovnnalaččat.
Lassidieđut (suomagillii) :
- https://verkkokauppa.eraluvat.fi/fi/maastoliikenne/
- https://www.eraluvat.fi/maastoliikenne/kelkkailureitit-ja-urat/metsahallituksen-urat-ja-kelkkailureitit.html
Spesiálaplánejeaddji Pekka Keränen, telefon 040 583 9377, šleađgapoasta pekka.a.keranen(at)metsa.fi