Meahciráđđehusa meahccebearráigeahčču dárkkistii mannan jagi 9 500 meahccejohtti, boahtá ovdan meahccebearráigeahččoraporttas. Eanemus fuomášuhttimat ledje meahccejohtalusas: badjel 20 proseantta skohtervuoddjiin vudje almmá lobi dahje áššáskuhttojuvvojedje lágahisvuođas.
Meahccebearráigeahččit lasihedje meahccejohtalusa bearráigeahču. Vaiko meahccejohtalusas ledje olu fuomášuhttimat, lohpeáššit ledje vehá buoret ortnegis go ovddit jagi. Stuorámus oassi meahccejohtalusa dárkkistusain guske skohtervuodjima, muhto meahccebearráigeahččit gohce maiddái sutteseatnama áigge njealjejuvllagiin vuodjima.
16 proseantta skohtervuoddjiin vudje ain almmá lobi haga meahccejohtalusluottain dahje eará sajis meahcis. Ovddit jagi lobihis skohtervuoddjiid oassi lei 17 proseantta. Lassin lágahisvuođarihkkosat girjejuvvojedje ain dávjjibut guoskkakeahtes muohttaga guovllus.
Ain dábáleabbon lea šaddan váttisvuohta gos lea lágahis skohtervuodjin máđijaid ja luottaid olggobealde. Skohteriiguin figget ain dávjjibut lobiheamit guoskkakeahtes guovlluide.
– Dalle sáhttá vearrámus dáhpáhusas vahágahttit vesáid dahje hehttet boralottiid bessema, dadjá meahccebearráigeahču alladárkkisteaddji Juha Ahonen Meahciráđđehusas.
Bievlla áigge Meahciráđđehusa meahccebearráigeahččit deive muhtun šlárva murjejeaddjiid, geat vázzima sajis vudje njealjejuvllagiin muorjebáikkiide.
– Eandalii lakta eatnamis njealjejuvllagiin báhcet lundui romes luottat, mat jávket hihtásit, Ahonen gávnnaha.
Meahcásteaddjiin lobit ortnegis
Unnimus lobihuššamiid dahje lágahisvuođaid áice vuot meahccebivddu bearráigeahčus. Meahccebearráigeahču mielde golbma proseantta dárkkistuvvon meahcisteaddjiin rihkko juoga vugiin lága: Dábáleamos lágahisvuohta lei fievrredit bissu biillas almmá suoji. Áššáigullevaš meahcástanlohpi váillui 0,3 proseanttas dárkkistuvvon meahcásteaddjiin.
Meahccedárkkisteaddjit dahke oláhuslaš 435 dárkkisteami stuorrabeađuid meahcásteapmái laktásettiin. Stuorrabeađuide gullevaš roava meahcástanrihkkosat girjejuvvojit njeallje stuhka.
Guolásteaddjiid ja luonddusuodjalanguovlluin lihkadan olbmuid doaimmain lei fas eanet fuomášuhttin. Guolásteaddjiin 16 proseantta guolástedje almmá lobi haga dahje lágaheamit. Álbmotmehciin ja luonddusuodjalanguovlluin girjejedje rihkkosiid 10 proseantta dárkkistemiin.
- Loga eanet meahccebearráigeahččoraporttas: Eräluvat.fi (www.eraluvat.fi/erapalvelut/eravalvonta/valvontaraportit.html)
Lassidieđut:
Meahccebearráigeahču alladárkkisteaddji Juha Ahonen, Meahciráđđehus, tel. 0206 39 7060 dahje 040 6464250; Juha.m.ahonen(at)metsa.fi
(www.eraluvat.fi/media/kartat/henkilostokartat/metsahallituksen-eratarkastajat-2018.pdf)