Riikamet davvenuorttamus oasis, Eanodaga Gilbbesjávrris, Malla luonddumeahci dikšun- ja geavahanplána lea dohkkehuvvon. Meahciráđđehusa válmmaštallan plána figgá heivehit oktii guvlui laktásan oassái vuostálas ja ruossalas mearrádusaid vejolažžan dahkan geavahanhámiid.
Máŋggabealat luondu ja fiinna eanadagat oalgguhit Mallai, mii lea álkit fáhtemis, vánddardeaddjiid ja guvlui dahket jahkásaččat sulaid 18 000 galledeami. Luonddumeahci dál dohkkehuvvon dikšun- ja geavahanplánii leage merkejuvvon luonddumeahci vánddardanávkkástallama joatkašuvvan dálá vuogi mielde sihke stobuid ja eará rusttegiid buori ortnega dorvvasteapmi. Diškun- ja geavahanplána mielde geasseáigge lea ain lobálaš johtit luonddumeahci čađa mannan vánddardanmáđija mielde golmma riikka rádjegeađggi lusa, fitnat oalgemáđija mielde Šilismalla oainnusbáikkis ja idjadit Guohkkemašjávrri stobuin. Dálvit čuoigan lea lobálaš miehtá guovllu.
Digaštallon bohccui guođoheapmi
Malla luondu lea áidnalunddot, go eará eatnama nuorat ja veahkkábut báktevuođđu fállá šaddanvuođu earret eará veahkadis ja valljišlájat duottarniitui ja doppe eallán divrriide. Luonddumeahci mearridan ásahusa mielde bohccuid guođoheapmi luonddumeahcis lea gildojuvvon árvvolaš luonddu suodjaleami dihtii.
Go goittotge sámekultuvrra hárjeheapmi návddaša vuođđolága suoji, oidne Giehtaruohttasa bálggus ja Sámediggi, ahte olles luonddumeahci áidumii eai leat ákkat. Birasministeriija mielde guođohanášši galggašii soahpat báikkálaččat. Mannan jagi álggahedje iskkadallama Giehtaruohttasa bálgosiin ja báikkálaš boazoeaiggádiiguin. Iskkadallamis bohccuid geasihit geasseáigge, mii lea buot váddáseamos, eret Mallas guhkkelebbui ráhkaduvvon bálgansujiin. Lassin eanemus áittavullosaš šaddošlájaid dihttonbáikkiid áido smávva viidodagain eret bohccuid guođoheamis
Doaimmaid eai navdde čoavdit loahpalaččat Malla luondduárvvuid ja bohccuid guođoheami ruossalasvuođa, muhto iskkadallamis sávvet vásáhusaid sierralágan čovdosiid doaibmamis. Bohccuid meari luonddumeahcis, bálgansuoji doaibmama ja šattolašvuođa ealáskeami áidojuvvon guovlluin čuvvot. Joatkkadoaimmain mearridit vásáhusaid vuođul.
Čanusjoavkkuin ja olbmuin leamašan vejolašvuohta váikkuhit plánii earret eará máŋggain álbmotdilálašvuođain. Plána dahkamis leamašan maiddái mielde guovllu čanusjoavkkuin čohkkejuvvon viiddis ovttasbargojoavku
Lassidieđut
Guovlluhoavda Jyrki Tolonen, telefon 0400 388609
Álbmotmeahccehoavda Pekka Sulkava, telefon 0400 815660
- www.metsa.fi/kasivarsisuunnittelu (suomagillii)