Meahciráđđehus lea gárvvistan Eanodagas lean Malla luonddumeahci ortnetnjuolggadusevttohusa. Ortnetnjuolggadus muitala, maid čavga suddjejuvvon guovllus oažžu ja ii oaččo dahkat.
Malla luonddumeahci ortnetnjuolggadusas sáhttá addit cealkámuša 31.1.2024 rádjai. Cealkámušaid galgá sáddet čujuhussii kirjaamo@metsa.fi.
Geasi álggus bođii fápmui ođđa luonddusuodjalanláhka ja Malla luonddumeahci guoskevaš láhka rievddai vehá. Nuppástusaid dihtii Meahciráđđehus beaivádii luonddumeahci ortnetnjuolggadusa. Ovdamearkan bohccuid guođoheapmi lea dál riikkabeivviid ásahan ođđa lága mielde lobálaš luonddumeahcis.
Meahciráđđehus lea čohkken ortnetnjuolggadussii ođasmahtton láhkaásaheapmái vuođđuduvvan mearrádusaid ja rávvagiid guovllu ektui. Ortnetnjuolggadusevttohusa mielde Malla luonddumeahcis deahkkefámuiguin lihkadeapmi lea ain lobálaš merkejuvvon vánddardanmáđijain bievlan. Go muohta lea doarvái, guovllus oažžu lihkadit iežas fámuin eará sajisge.
Cealkámušjorrosa maŋŋá ortnetnjuolggadusas ordnejuvvojit vel sámediggelága (974/1995 9 §) ja boazodoallolága (848/1990 53 §) čuvvon ráđđádallamat.
Luonddusuodjalanguovlu gos leat valjis šlájat
Gilbbesjávrri gáttis badjánit jorbačohkat Gihcibákti ja Šilismalla fáktejit ovtta earenomáš luonddusuodjalanguovllu. Gihcibákti ja Šilismalla ráfáiduhttojuvvojedje jo badjel čuođi jagi áigi, ja guovlu vuođđuduvvui luonddumeahcis 1938.
Malla luonddumeahcis lea spiehkastatlaš rikkis šládja- ja divrešlájat. Šlájaid valljivuođa ja šattolašvuođa veahkatvuohta dahká vejolažžan báktevuođu kálkadoallu, Jiekŋamearas boahtán lávttasvuohta ja Suoma diliin hui stuorra allodatearut.
Riikamet 19 luonddumeahci leat vuođđuduvvon dieđalaš ja oahpahuslaš mihttomeriide ja luonddu suodjaleapmin. Luonddumeahcit leat eanaš suddjejuvvon olbmuin. Daid suodjalanmearrádusat čavggabut go ovdamearkan álbmotmehciid. Luonddumeahcis ii dábálaččat oaččo lihkadit almmá lobi haga.
Malla luonddumeahci lassin Lappi luonddumehciin maiddái Soabbadis ja Geavus johtá goittotge vánddardanjohtolat. Čavga suodjaleami dihtii johtolagain ii oaččo spiehkkasit.
Lassedieđut
Eanageavaheami spesiálaáššedovdi Pirjo Rautiainen, Meahciráđđehus, Luonddubálvalusat: 040 5081673, šleađgapoasta pirjo.rautiainen(at)metsa.fi