Lappi spiehkastatlaš guollebivdogeassi dušše geasuha eanet ja eanet, go lohpedihtomearit nohket ain duoppe ja dáppe. Meahciráđđehusa Anárjávrri (lohpeguovlu 1580, eraluvat.fi) guolástanlobit leat vuvdojuvvon buot sesoŋŋa guovdu vuosttas geardde goassige. Almmá lobi báhcán guollebivdit sáhttet goittotge bivdit vuokkain Anárjávrris ovttain stákkuin go lotnot stáhta guolleváriiddikšunmávssu.
Guollebivdu lea spiehkastatlaš bivnnut dál jo nuppi jagi maŋŋálagaid. Meahciráđđehusa mieđihan guolástanlobit Anárjávrái (lohpeguovlu 1580, eraluvat.fi) lea vuvdojuvvon lohppii vuosttas geardde goassige. Anárjávri lea Suoma goalmmádin stuorámus jávri. Dan viidodat lea 1 084 njealjehaskilomehtera.
Meahciráđđehus lea dieđihan Davvi-Sámi lohppii vuvdojuvvon ja geahppánan lohpemeriin stáhta guolástančuozáhagain miehtá geasi. Lobit leat nohkan maiddái dakkár čuozáhagain, mat gokčet viiddis čáhceguovlluid ja main dihtomearri lea árabut reahkkán.
Guolástančuozáhagaid lohpedihtomeriin sihkkarastit suvdilis guollebivddu. Rájálaš lohpedihtomeriid dihtii leage dehálaš skáhppot guolástanlobi ovddalgihtii ovdal guolástanreisui vuolgima, amas ii báikki alde vuordit ahkidis dilli.
Sierra guolástanlobi dárbbaša ovdamearkan uštimii máŋggain stákkuin dahje vádjolanguollečázádagaid guoika- ja rávdnjebáikkiide. Jus háliiduvvon lohpi ii gávdno, máŋggain jávrriin ja ládduin sáhttá bivdit ovttain stákkuin almmá sierra guolástanlobi, go beare máksá guolleváriiddikšunmávssu.
Lassin eandalii máddelis Lappis leat čuozáhagat, main guolástanlohpedihtomeriin leat ain lobit. Davvi-Sámisge guolástanlobit ledje vel vuossárgga muhtun veardde vuovddekeahttá. Ovdamearkan Leammi álbmotmeahcis čuozáhahkii (nummir 1562, eraluvat.fi) ja Urho Kekkonen álbmotmeahci guolástančuozáhahkii (nummir 1563, eraluvat.fi).
Guolleváriiddikšunmávssuin guollebivdui maiddái Davvi-Sámis
Stáhta guolleváriiddikšunmávssu galgá máksit goittotge, jus lea 18-64 jagi ahkásaš ja bivdá stákkuin dahje bivdosiin. Guolleváriiddikšunmáksu addá vuoigatvuođa bivdit ovttain stákkuin jávrriin, ládduin ja mearraguovlluin.
Guolleváriiddikšunmáksu reahkká guolástanlohpin dábálaččat maiddái Davvi-Sámis nu gohčoduvvon čuožžu čáziin, go geavaha eanemustá ovtta stákku. Dat čázádagat, main guollebivdu lea gildojuvvon dahje maidda dárbbaša sierra guolástanlobi, sáhttá dárkkistit eana- ja meahccedoalloministeriija bajásdoallan Kalastusrajoitus.fi-bálvalusas.
Sierra čáhceguovllu eaiggáda guolástanlohpi dárbbašuvvo earret eará muhtun searračuozáhagaide sihke vádjolanguollečázádagaid guoika- ja rávdnjebáikkiide.
Stáhta čáziide guolástanlobiid mieđiha Meahciráđđehus. Guolástanlobiid dili stáhta čáziide sáhttá dárkkistit Eräluvat-gávppis (verkkokauppa.eraluvat.fi).
Manin lobit nohke aiddo dán gease?
Meahciráđđehusa mielde movttegis guollebivdit leamašan jođus vássán guolástansesoŋŋa áigge olahus olu. Dábálaččat bivnnuhis ja lohppii vuvdojuvvon guolástančuozáhagat leamašan guoikabáikkit, main bivdet eandalii luossaguliid. Dán jagi guolástanlobit leat nohkan maiddái eará čuozáhagain, dego Eanodaga meahcceguovllus (lohpeguovlu 1551), Ohcejoga meahcceguovllus (lohpeguovlu 1574) ja dál Anárjávrris (lohpeguovlu 1580).
Lassánan guolástanmokta ii okto čilge lobiid nohkama. Muhtun Lappi čuozáhagaid geasuhusa leš lasihan dat, ahte Deanus ii leat dán gease ožžon bivdit luosa. Meahciráđđehus ii leat vuovdán olláge guolástanlobiid Deanu oalgejogaide Ohcejohkii dahje Veahčajohkii. Lassin Norgga guollečáziide leamašan váddásut beassat go dábálaččat.
Davimus Suoma guollebivdu lea sáhttán leat ealaskabbo maiddái máddin dáhpáhuvvan rávdnječáziid lohpevuovdima gaskkalduhttima dihtii. Meahciráđđehus gárttai gaskkalduhttit lohpevuovdima menddo liegga čáziin luossaguliid suodjaleapmin. Dál dát čuozáhagat leat rahppojuvvon earret ovtta.
Lassedieđut:
Spesiálaplánejeaddji Markku Seppänen, Meahciráđđehus, Fuođđobálvalusat; tel. 0206 39 7710, markku.seppanen@metsa.fi
Fuođđoplánejeaddji Jarmo Huhtamella, Meahciráđđehus, Fuođđobálvalusat; tel. 0400 397534, jarmo.huhtamella@metsa.fi