Luonddukártejeaddjit lihkadit dán geasi Bátneduoddara guovllus ja kártejit luonddutiippaid ja šaddošlájaid rávdnječáziid guorain, jekkiin ja vuvddiin. Meahciráđđehusa Lappi Luonddubálvalusaid meahccebarggut čujuhuvvojit Avviljoga golleguvlui, gos dutket Avviljoga ja dan oalgejogaid guoraid. Šaddošlájain kártejit earenoamážit rohtonárva, mii šaddá Davvi-Lappis dušše beare Avviljoga lahka. Maiddái Bátnejávrris Ádjájávrái golgan Kaareehjuuhâ gáttiid luonddutiippat, šlájat ja kulturárbi inventerejuvvojit.
Bátneduoddara guovlu gullá Suoma Natura 2000 -fierpmádahkii. Kártenbarggu mihttomearrin lea dievasmahttit luonddudieđuid earenoamážit Natura 2000 -luonddutiippaid bokte. Áigeguovdilis luonddudieđu dárbbaša eanageavaheami stivremii, vai suodjaluvvon šlájaid ja luonddutiippaid seailuma sáhttá dorvvastit buoremus vejolaš vugiin. Áigeguovdilis dieđu dárbbaša maiddái nuppástusaid čuovvumii, mat dáhpáhuvvet luonddus.
Eurohpá uniovdna ruhtadeaddjin
Geasi 2022 inventeremat gullet EU olgorádjáovttasbargoprográmma (ENI Kolarctic CBC) ruhtadan Davvi jogaid ekologalaš divvun -fidnui. Čuozáhatguovlun leat Suoma, Ruoŧa ja Norgga davimus oasit. Fidnus ovddidit ee. rávdnječáziid inventerenvugiid, dahkat divvunplánaid ja divvut rávdnječáziid.
Lisätietoja
- Meahciráđđehus, Luonddubálvalusat sierraplánejeaddji Pauliina Kulmala, telefovdna +358400299199, šleađgapoasta pauliina.kulmala@metsa.fi
- Meahciráđđehus, Luonddubálvalusat suodjalanbiologa Saara Tynys, telefovdna +358400195082, šleađgapoasta saara.tynys@metsa.fi
- Bátneduoddara meahcceguovlu (lundui.fi)