Meahciráđđehusa jahkemuitalus 2017 lea almmustahtton. Badjel 1 200 meahciráđđehuslačča Suoma luonddu ja buresbirgejumi ovdii dahkan bargui sáhttá oahpásmuvvat čujuhusas: vuosikertomus2017.metsa.fi.
Meahciráđđehusa neahttajahkemuitalusas muitalit viidásit vuosttas ođđa meahciráđđehuslága čuvvon doaibmajagis ja Meahciráđđehusa suvdilis doaimmas birrasa ja servodaga dáfus.
Menestuvvan jahki doalvu ain vásttoleabbo boahttevuođa guvlui
Meahciráđđehusa jahki 2017 lei menestupmi: boađusgáibádus ollašuvai ja maiddái eará Meahciráđđehussii ásahuvvon mihttomeriin lihkostuvve. Jagi steampilaste nannosit maiddái Suoma iehčanasvuođa 100-jagiávvodoalut ja daidda gullevaš dáhpáhusat.
Vásttolašvuohta lea mearkkašahtti oassesuorgi ođđa, oktilaš meahciráđđehusa ovddideamis. Meahciráđđehus álggahii viiddis vásttolašvuođaprográmma ráhkadeami loahppajagis 2017 ja searvvai vásttolašvuođafierpmádat FIBS:a máŋggahámatvuođafierpmádaga lahttun.
Jahkemuitalusa oktavuođas almmustahttet maiddái Meahciráđđehus-konseartna ja almmolaš hálddahusdoaimmaid ovttadaga doaibmamuitalusaid ja rehketdoalloloahpahemiid.
Sápmelaččaid vuoigatvuođa bajásdoallat ja ovddidit iežaset giela ja kultuvrra dorvvastit Meahciráđđehusas soahpamuš- ja ráđđádallanmeannudemiiguin sihke doarjumin sámegielat dieđiheami ja kulturfidnuid. Loga lasi sámekulturoasis: vuosikertomus2017.metsa.fi/vastuullisuus/yhteiskunta/saamelaiskulttuuri