Ollašuhttit geaidnofuolahusa doaimmastivrenvuogádaga vehkiin buot agoarttaid. Ollašuhtton bargguin čohkket rabas dieđu olbmuid geavahussii, dego ruŋgu- ja guovllugeainnuid muohttagiid plogemiin.
“Dábálaš meahccegeainnuid geavaheaddji perspektiivvas kártabálvalus, mas sáhttá geahččat Meahciráđđehusa geainnuid áigeguovdilis plogendieđuid lea hui ávkkálaš bálvalus”, muitala fidnojođiheaddji Antti Nurmi. “Ii šat dárbbaš vuodjit máŋggaid kilomehteriid meahccái vai sáhttá dušše gávnnahit, ahte geaidnu ii leat plogejuvvon. Áibbas buot áigeguovdilis plogendieđut eai dillegovas gávdno, muhto váldooassi guovllu- ja ruŋgugeainnuin.”
Vuogádahkii sisa merkejuvvon almmolaš dillegovva čájeha geainnuid maŋimuš fuolahusdieđuid bargošlájaid mielde. Dat doaibmá čájáhuslássan ja máhcahatkanálan Meahciráđđehusa bargovehkii, agoartaváldiide ja sierra čanusjoavkkuide.
Vuogádaga iešvuođat leat ovddiduvvon stáhta meahccegeainnuid geaidnohuksema sihke dikšuma ja fuolahusa bargguide ovttasbarggus doaimmaheaddjiin Sitowise Oy:in jo jagi áigge. Routa Meahciráđđehus -doaimmastivrenvuogádat lea leamašan geavahusas buot geaidnofuolahusa soahpamušagoarttain giđa rájes ja dan ovddidanbargu joatkašuvvá ain.
Bargostivremis vuogádaga geavahit sullii 50 Meahciráđđehusa doaibmaolbmo. Geaidnofuolahusa soahpamušagoartaváldit okta vuolleagoartaváldigollosiiguin stuorrudit ollislaš geavaheaddjimeari jo máŋgga čuohtái.
Routa-vuogádaga neahttasiidu: http://www.metsa.fi/routa
Almmolaš dillegovva: https://louhi-metsahallitus.sitowise.com/
Lassedieđut:
Meahciráđđehus Vuovdedoallu Os:
Prošeaktaoaivámus Antti Nurmi, 040 715 1741