Dieđáhus. Almmuhuvvon: 15.2.2019
Meahciráđđehusa Luonddubálvalusat divttista Lappi luondduguovddášfierpmádaga. Mihttomearrin lea oažžut Dávgevári luondduguovddáža ja Suovvaguoikka oahpistanguovddáš Korvatunturi turismma fitnodatatnui. Ohcejohkii eai hukse ođđa luonddustobu boldojuvvon stobu sadjái. Lappi ealaskeamos luondduguovddážat seilot luondduguovddášanus.
Dávgevári luondduguovddáš ja Suovvaguoikka oahpistanguovddáš Korvatunturi figgojuvvo oažžut boahttevuođas turismma fitnodatatnui, dalle luondduguovddášanus leamašan jaskes báikkit bálvalivčče buorebut guovllus johttiid. Dávgevárri lea juo giddejuvvon, Suovvaguoikka oahpistanguovddáš doaibmá vel muhtun áigge.
Meahciráđđehusa Suoločielggi bálvalanbáiki Kiehinen rahpasa geasi álggus ođđa sajis Santa’s Hotel Tunturis, Giellasa vuollegearddi fitnodatlanjain. Ovddibu eanet guovddáš sajis fáhtet buorebut olles Suoločielggi turismaguovllu oktasaš áššehasaid.
Ohcejoga luonddustohpu bulii cahkkehuvvon boaldimiin álgojagi 2017. Luonddubálvalusat čielggadii earálágan molssaeavttuid ja ovttasbargomálliid luonddustohpodoaimma joatkimii Ohcejogas. Luonddubálvalusaid čavgan resursadilli ja luonddustobu smávva galledanmearit (2500-4000 jahkásaččat) eai goittotge doarjjo šat ođđa stobu huksema. Anára Siiddas joatkit ovttasbarggu sámemuseain, ja dál Siiddas lea jođus viiddidan- ja čájáhusa ođasmahttinfidnu. Leammi luonddustohpu vuvdojuvvui turismma fitnodatatnui jo 2016.
Ealaskeamos luondduguovddážiin measta 450 000 galledeami jahkásaččat
Luondduguovddášanus seailu Ylläsduoddara luondduguovddáš Kellokasii, Pyhä-Luosto luondduguovddáš Naavai, Davvi-Sámi luondduguovddáš Siidii sihke Duottar-Sámi, Bállásduoddara ja Gilbbesjávrri luondduguovddážiin fitnet jahkásaččat 430 000 – 450 000 geardde. Suovvaguoikka oahpistanguovddáš Korvatunturi, Dávgevári luondduguovddáža ja Ohcejoga luonddustobu galledeaddjimearit leat leamaš oktiibuot sulaid 16 000 – 17 000 / jahki (2016-2018).
Luonddubálvalusat bajásdoallá máŋggain luondduguovddážiin maiddái gielddaid turismarávvema. Kellokasis doaibmá Kolari rávven, Gilbbesjávrris ja Duottar-Sámis Eanodaga, Siiddas ja Kiehisis Anára ja Naavas Giemajávrri ja Pelkosenniemi turismarávven. Luondduguovddážat dahket olu ovttasbarggu máŋggaid guimmiiguin ja fitnodatdoalliiguin. Máŋggat doibmet maiddái ealligovvateáhteriin sihke dáiddačájáhussadjin ja sadjin fitnodagaid bajásdoallan restoráŋŋadoaimmas.
Galledeaddjimearri 2018:
Pyhä-Luosto luondduguovddáš Naava 129 500
Davvi-Sámi luondduguovddáš Siida 117 100
Ylläsduoddara luondduguovddáš Kellokas 93 100
Bállásduoddara luondduguovddáš 49 500
Duottar-Sámi luondduguovddáš 25 800
Gilbbesjávrri luondduguovddáš 14 800
Dávgevári luondduguovddáš 9 000
Suovvaguoikka oahpistanguovddáš Korvatunturi 4 300
Oktiibuot 443 100
Lassidieđut
Meahciráđđehus, Luonddubálvalusat, Lappi, guovlluhoavda Jyrki Tolonen, telefon 0400 388609