Lappi, Davvebađaeatnama ja Kainuu eanagottiid guovlluin sáhttá juovlamuora viežžat stáhta eatnamiin. Ohcamii dárbbašat juovlamuorralobi ja dan sáhttá skáhppot álkit Eräluvat-gávppis.
Juovlamuorralohpi addá vuoigatvuođa viežžat eanemustá golmma mehtera guhkes juovlamuora stáhta ekonomiijaanu bires lean lotnolasgeavahanvuvddiin. Eanodaga, Ohcejoga ja Anára gielddain juovlamuorralobiin sáhttá viežžat beazi.
Juovlamuora oažžu viežžat dušše lotnolasgeavahanvuovddis
Lobi oasti galgá ieš sihkkarastit guovllu gullama Meahciráđđehusa vuovdedoalloanus lean lotnolasgeavahanvuvddiide. Juovlamuora ii oaččo viežžat suodjalan- dahje vánddardanguovlluin. Lotnolasgeavahanvuvddiid sajádaga gávdná álkimusat Retkikarttas čujuhusas www.retkikartta.fi ja válljemiin kártadási ”vuovdedoalu lotnolasgeavahanvuovddit”. Retkikarttas lea maiddái mobiilaveršuvdna.
Go vuogas báiki lea gávdnon ja lohpi lea ostojuvvon, sáhttá vuolgit válljet vuogas juovlamuora. Muorra vižžojuvvo geaidnoguoras, eanemustá 20 mehtera duohken geainnus. Gilvojuvvon veságuovllus muora ii oaččo váldit.
Mátta-, Gaska- ja Nuorta-Suomas lohpevuovdin ii leat, go stáhta vuovddit leat guovllus viehka unnán ja dat leat bieđgguid. Lassin oassi stáhta vuvddiin dáin guovlluin leat sierrageavahusas dahje suodjaleamis.
Lohpi álkit neahttagávppis
Meahciráđđehusa Eräluvat-gávpi doaibmá čujuhusas verkkokauppa.eraluvat.fi. Juovlamuora gávppašit beassá válljemiin badjefálus ”Earát lobit”ja dan maŋŋá ”Vuovdedoallu Os”. Eräluvat-telefonapplikašuvdnii oastinvejolašvuohta lasihuvvo maŋŋelis. Lobit vuvdojuvvojit maiddái Dieđaguovddáš Pilkes Roavvenjárggas (Ounasjoentie 6).
Juovlamuorralobi haddi lea 5 euro (sis. álv. 24 %). Guossalohpi addá vuoigatvuođa váldit guosa iežas atnui, ii vuovdimii.
Lassidieđut Meahciráđđehusa juovlamuorralobiin Lappis ja Davvebađaeana-Kainuu guovlluin addet:
Dieđiheaddji Aino Ilkka, t. 0206397049 (Lappi)
Dieđiheaddji Merja Väisänen, t. 0206396256 (Davvebađaeana-Kainuu)