Suoma Iskkárlaččaid ja Meahciráđđehusa ovttasbarggus leat jo guhkes árbevierut. Ovttasbargguin vuođđuduvvon Evo nuoraidleairaguovllus leat leamašan máŋggat vajálduhtekeahtes leairrat ja dáhpáhusat. Buorre ovttasbargu joatkašuvvá dál ođđa guoibmevuođasoahpamuša mielde. Soahpamuš lea fámus jagi 2023 jagi loahpa rádjai.
Ovttasbarggu mihttomearrin lea ovddidit mánáid ja nuoraid vásttolaš luonddugaskavuođa ja luondduváriid suvdilis ávkkástallama. Dát ollašuhtto dáhpáhusaid ja oktasaš gulahallama vugiiguin oassálastimiin mánáid ja nuoraid ja heivehat iskkárdoaibmavuogi.
“Sihke iskkárdoaimma ja Meahciráđđehusa ođđa strategiijain guovddážii lea badjánan dálkkádatrievdama dusten. Dán sáhttá dahkat buot beaktilamosit ovttasbarggus ja jáhkkit, ahte Meahciráđđehus lea dás buorre guoibmi. Iskkárlaččaid niehkun lea ráhkistit luonddu ja suodjalit birrasa. Iskkárdoaibma bajásgeassá nuoraid váikkuhit iežas eallinbirrasii ja dáhpáhusovttasbargguin sáhttit buktit nuoraid oainnuid maiddái Meahciráđđehusa guvlui ja oahppat nubbi nuppis. Vuorddán movttegit earálágan vejolašvuođaid, maid ovttasbargu sáhttá buktit mielddistis” illuda Suoma Iskkárdoaimma doaibmajođiheaddji Kaisa Leikola.
“Meahciráđđehusa varas “Šaddadat ihttáža” –strategiija ollašuhttá buoremusat rabas ovttasbarggus buriin guimmiiguin, dego iskkárlaččaiguin. Min ovttasta vásttolaš, sohkabuolvvaid badjel ollán doaibma, man mihttomearrin lea luonddu árvvu ja oktasaš opmodaga vásttolaš ovddideapmi sohkabuolvvaid badjel”, dadjá Meahciráđđehusa váldohoavda Juha Niemelä.
Dehálaš oassi ovttasbarggus lea Evo leairaguovllu ovddideapmi ja eará vejolaš leairaguovlluid kárten. Iskkárdoaibma dárbbaša boahttevuođasge báikkiid, gos sáhttá ordnet stuorra leairraid ja dáhpáhusaid ja ollašuhttit váikkuheaddji birasbajásgeassima.
Lassedieđut:
Meahciráđđehus: oktavuođaoaivámuš Kristiina Vuopala, tel. 040 7298819
Suoma Iskkárlaččat: doaibmajođiheaddji Kaisa Leikola tel. 09 8865 1140
Suoma Iskkárlaččat: ovddubearráigeahču koordináhtor Helka Otsolampi tel. 040 7303024