Guolleváriiddikšunmávssuid dahjege guollekoarttaid lotno diibmá 241 289 stuhka. Mávssuin čoggui oktiibuot 8,6 miljon euro juohkin láhkái earret eará guollečáziid ordnemii ja guolledollui.
Vuvdojuvvon mávssuid stuhkkamearri geahppánii 15 000 stuhkain, muhto čoggon stuorui miljonbeliin euroin. Čoggon stuorui go riikkabeaivvit bajidedje guolleváriiddikšunmávssu hatti. Olles jagi guolleváriiddikšunmáksu máksá dál 45 euro, čieža jándora máksu lea 15 euro ja jándora guhtta euro.
Guolleváriiddikšunmávssu čoaggá meahciráđđehus, mii máhcaha čoggoma eana- ja meahccedoalloministeriijai. Ministeriija čujuha ruđaid guolástanlága čuvvon guollečáziid ordnemii, bearráigehččui, čáhceguovlluid oamasteaddjiide máksojuvvon buhtadusaide, rávvemii ja mávssuid čoaggimis šaddan goluide.
Ovdamearkan guollečáziid ordnemii ja bearráigehččui čujuhuvvui mannan jagi 2,5 miljon euro.
Guolleváriiddiškunmávssu mákset buohkat 18-64 -jahkásaš guollebivdit, geat guolástit eará vugiin go rudneoaggumiin, vuokkain ja sallitvuokkain.
Mávssu sáhttá máksit Meahciráđđehusa Eräluvat.fi-neahttabálvalusas, Meahciráđđehusa bálvalannummiris 020 69 2424 dahje R-Kioskkain.
Jahki 2019 álggii leavttuin
Jagi 2019 guolleváriiddikšunmávssut leat ostojuvvon čielgasit eanet go mannan jagi álggus. Guolleváriiddikšunmávssut ledje ođđajagimánu maŋŋá lodnojuvvon badjel 17 000 stuhka, mii lea 5 500 stihka eanet go diibmá seammá áigge.
Guolleváriiddikšunmávssut 2017 ja 2018
2017 2018
Jahki 192 891 174 324
7 jdr 36 364 34 575
1 jdr 26 749 32 390
€ 8,1 M€ 8,6 M€
Lassidieđut:
Alladárkkisteaddji Mika Laakkonen, Meahciráđđehus, 040 589 7559 (suomagillii)
Gulahallanoaivámuš Aku Ahlholm, Meahciráđđehus, 040 481 4890 (suomagillii)