Davvi-Sámi jogaide sáhttá oastigoahtit guolástanlobiid muttuid mielde 3.5.2018 rájes. Vuos rahpasa lohpevuovdin Anára ja Eanodaga johkačuozáhagaide 3.5. ja dasto Ohcejoga lohpevuovdin 9.5.
Lohpevuovdin, mii álgá dál, guoská luosa ja dápmoha goargŋunčáziid. Riikkabeivviid dohkkehan dálá guolástanlága (2016) mielde juohke guolásteaddji galgá skáhppot sierra guolástanlobi dáidda báikkiide. Eará čázádagaide báikkálaččat ožžot ain nuvttá guolástanlobi.
Johkačuozáhagaide leat meroštallan sálašdihtomeriid, man dihtii juohke guolásteaddjái eai vealttakeahttá reahkká lobit justa daid beivviide, maidda háliida. Mannan gease vásáhus čájehii, ahte friddja áiggit báhce máŋggaide jogaide.
Guolásteaddjit gávdnet dárkilut dieđuid guolástanáigodaga álgimis, guolástanlobiin ja kárttain Meahciráđđehusa Eräluvat-siidduin. Maiddái lohpevuovdin dáhpáhuvvá Meahciráđđehusa Eräluvat-neahttagávppis ja bálvalannummiris 020 69 2424 ja guovllu luondduguovddážiin. Neahttagávppis lobiid galgá máksit seammás, nappo daid ii sáhte várret. Ná mávssekeahtes lobiid sáhttá luvvet seammás nuppiid lobiid háliidan skáhppoma várás. Telefonvuovdima bokte diŋgojuvvon lobiin lea dábálaš máksináigi.
Lassidieđut:
Fuođđoplánejeaddji Jarmo Huhtamella, Meahciráđđehusa, tel. 0400 397534, jarmo.huhtamella(at)metsa.fi
Davvi-Sámi stággoguovllut, maidda buot guolásteaddjit dárbbašit guolástanlágas oaivvilduvvon sierra stággolobi (www.eraluvat.fi)