Goaskimiid beassedárkkistemiin leat gávnnahan sulaid 390 ássojuvvon goaskinreviirra. Lihkostuvvan bessemat ledje 126 ja dain oktiibuot 142 čivgga, mat ledje dan agis, ahte sáhtii bidjat mearkarieggá.
Goaskimiid bessenbohtosis ledje oalle olu molsašuddamat guovlluid guovdu. Čielga sivva bessenbohtosa molsašuddamii ii sáhte dadjat. Diehtit goittotge, ahte biebmodili ja bessenáigge dálkediliid váikkuhus bessenbohtosii lea mearkkašahtti. Bessenbohtosiid stuorrage molsašuddan jagiid gaskkas lea dábálaš. Mannan jagi olles riikkas gávnnahedje oktiibuot 157 lihkostuvvan bessema ja dain 193 čivgga.
Suomas dovdet 571 goaskinreviirra ja dain ássojuvvon maŋimus viđa jagi áigge leamašan sulaid 450. Dovdojuvvon reviirrain sulaid 90 proseantta lea boazodoalloguovllus. Jagi 2021 áigge leat gávdnon čieža ođđa goaskinreviirra, main guhtta leavvanguovllu váimmusguovllus.
Meahciráđđehus máksá almmuheaddjiide árabut dovdameahttun goaskima beasis 100 euro gávdnanbuhtadusa. Goaskima beassedárkkistemiin ja goaskima boazodollui dagahan buhtadusaid reviiravuđot buhttenvuogádaga bargguin vástida Meahciráđđehusa Luonddubálvalusat. Meahciráđđehus dárkkistii helikopteriin buot boazodoalloguovllu sulaid 880 muoras lean goaskima beasi.
Lassedieđut:
Alladárkkisteaddji Tuomo Ollila, Meahciráđđehus, Lappi Luonddubálvalusat; tel. 040 024 1448, tuomo.ollila@metsa.fi