Oktasašdieđáhus Meahciráđđehus ja Eanodaga gielda
Meahciráđđehusa Luonddubálvalusat ja Eanodaga gielda leat juksan mannan jagi vuolggahuvvon ráđđádallamiin oktasašipmárdusa Gilbbesjávrri luondduguovddáža vuovdimis ja vuovdinhattis. Ráđđádallamiid boađusin Eanodaga gielddaráđđehussii evttohuvvo luondduguovddášviesu ja sullii ovtta hektára sturrosaš mearreviidodaga oastin hattiin 370 000 euro.
Meahciráđđehusa Luonddubálvalusat čielggadišgohte Gilbbesjávrri luondduguovddáža boahttevuođa ja luohpama vejolašvuođa giđđat 2025 oassin viiddit huksenollisvuođa dárkkodeamis.
– Eanodaga gielddas leat buorit eavttut ovddidit Gilbbesjávrri guovllu suvdilis vugiin. Meahciráđđehussii lea dehálaš, ahte luondduguovddáža giddodahkii lea gávdnome čoavddus, mii doarju guovllu ovdáneami, oktavuođahoavda Olli Lipponen Meahciráđđehusa Luonddubálvalusain dadjá.
Gilbbesjávrri luondduguovddáža sirdahuvvan gildii ja dákko bakte seailun almmolaš oamastusas doarju ovdáneaddji Gilbbesjávrri gili máŋggabealat dárbbuid.
– Luondduguovddáš lea Gilbbesjávrri gilis akta čielga dovdomearkkain alla dieva alde, ja das lea mearkkašahtti sajádat gili bálvalan- ja mátkeealáhusbirrasis. Lea fiinna ášši, ahte Meahciráđđehusain juksojuvvui čoavddus, mii dorvvasta giddodaga boahttevuođa ja dahká vejolažžan dan ávkkástallama gieldalaččaid bálvalusaid ovddideames. Giddodat fállá gildii vuogálaš lanjaid dehálaš doaimmaid várás ja seammás jávkada dárbbu ollašuhttit dán jahkái plánejuvvon máŋggadoaimmadálu viiddidaninvesterema, gávnnaha gielddahoavda Eero Ylitalo.
Ášši gieđahallojuvvo Eanodaga gielddaráđđehusa čoahkkimis 10.6.2026. Juos gielddaráđđehus dahká oastinmearrádusa, vuovdin sáhttá ollašuhttot dan maŋŋá, go mearrádus lea ožžon láhkafámu. Ulbmil lea, ahte vuovdin sáhttá ollašuvvat geasi álggogeahčen.
Lassedieđut
- Olli Lipponen, oktavuođahoavda, Meahciráđđehusa Luonddubálvalusat, tlf. 040 738 4408
- Eero Ylitalo, gielddahoavda, Eanodaga gielda, tlf. 040 570 4073
- Gilbbesjávrri luondduguovddáš (luontoon.fi)