Geavahangildosis lean Guivvi stobu sadjái huksejit giđa ja geasi 2022 áigge ođđa ávdin-/fuolahanstobu. Bargguid figgat álggahit njukčamánu beallemuttus, vai buot dávvirfievrredemiid sáhttá dahkat muohttaga áigge. Boares stohpu lea várrejuvvon huksejeaddjiid atnui ja dat lea eret vánddardananus huksema áigge.
Stohpu dahkko dahkko guovttelanjagiin. Ávdinstobu beallái šihttet idjadit guđas. Fuolahanstobu bealli lea oaivvilduvvon fuolahanbargovehkii luonddumeahci fuolaheami ja bearráigeahču várás. Šilljobirii boahtá maiddái ođđa muorravisti ja hivsset, mat leat sturrodaga dáfus dakkárat, ahte fuolahangaskka sáhttá guhkidit dálážis ja ná geahpedit badjelmearálaš lihkadeami ja luonddu gollama.
Huksejeaddjit hástaleaddji diliide
Guivvi ávdinstohpu lea guovdu Geavu luonddumeahci duottarguovllu. Mátki huksenbáikái lea 30 km lagamus geainnus ja huksendárbašat fievrriduvvojit báikki ala muohttaga áigge. Huksejeaddjit barget bargguid meahccediliin ja ijastaladettiin. Barggut leat muohttaga áigge ja sulaid mánotbaji siivvuhisáiggi maŋŋá geassit. Johtin suttis eatnama áigge figgojuvvo minimaliseret, vai birrasa luondu ii vaháguva.
Meahciráđđehusa Luonddubálvalusat hukseha stobu olggobeale agoartaváldis, mii vástida bargoeatnama geavatlaš bargguin, ordnemiin ja ollašuhttimis diŋgojeaddji bearráigeahču vuolde. Ođđa stohpu rahppojuvvo vánddardeaddjiid atnui ruškki áigge.
Vástádus lassánan vánddardeaddjimeriide
Geavu vánddardanmearit leat lassánan seammá dásis eará guovlluid ektui. Jagi 2021 luonddumeahcis gallededje s. 8200 geardde (jagi 2020 s. 6700 galledeami). Ođđa ávdinstohpu oktan šilljobiriin boahtá vástidit lassánan galledeaddjimeari dárbbuide.
Stobu lassin Geavu duottarguovllu máđidja guoras ođasmahttit hivssegiid oktiibuot vihtta jagiid 2022-2023 áigge. Ođđa hivssetčovdosiin oažžut fuolahangaskka guhkibun ja geahpedit dárbbu johtit máđijas mohtorfievrruiguin. Goikehivssegiidda boahtá giddejuvvon ráhkadus, doppe giddes bázahusat ja bázahusgolggus váldojuvvo eret luonddus ja fievrriduvvo dálvit áššáigullevaš joatkkagieđahallamii. Maiddái birrasii šaddan badjelmearálaš biebmoávdnasiid ja mikrobaid noađuheapmi geahppána ođđa hivssetčovdosiin.