Geđggiid bardin váriid ala lea Suomas viehka nuorra iđa. Barddedettiin geđggiid duoddaris lean barddáldaga ala, vánddardeaddjit eai soaitte jurddašit, ahte geađgebarddáldat sáhttá leat dološbázahas. Oassi boares barddáldagain leatge jo jávkan vánddardeaddjiid bardán geđggiid vuollái. Geđggiid bardin sáhttá maiddái rievdadit váriid alážiid geađggeheapmin ja mielddisbuktit vahága geađggi ala šaddan jeahkálii.
Geađgebarddáldagaid leat dahkan jahkečuđiid áiggi mielde váriide rádjamearkan, máđidjamearkan ja maiddái eanamihtideami várás. Oassi geađgebarddáldagain leat suodjaluvvon dološmuitolágain ja daid lihkahaddan lea gildojuvvon, vaikke sierra gielddus ii luonddus livččiige. Vánddardeaddjiid geđggiid vuollái leat báhcán ovdamearkan okta Bállás-Ylläsduoddara álbmotmeahcis lean Ruoŧa válddi áigge rádjamearka. Rádjamearkka bokte johtá boares Giema ja Durdnosa gaskasaš rádjá. Urho Kekkonen álbmotmeahcis ja Soabbada luonddumeahcis johtán historjjálaš Finnmárkkubálgá boares máđidjamearkkaid, mearkabarddáldagaid, leat fas systemáhtalaččat bilidan mannan jagiid.
Oassi vánddardeaddjiin leat morihan geđggiid bardima mielddisbuktán vahágii ja figgá burgit nuppiid dahkan geađgebarddáldagaid. Boares geađgebarddáldaga, man ala leat bardán ođđa geđggiid, lea váttis earuhit vánddardeaddjiid geađgebarddáldagain. Burggedettiin galggašii leat aivve sihkkar, ahte ii burgge dološbázahasa. Burgima galgá guođđit ámmátolbmo bargun.
Suomas leat dál badjel 50 000 dovdojuvvon dološbázahasčuozáhaga ja eará árvvolaš arkeologalaš kulturárbečuozáhaga. Issoras stuorra meari dihtii eanaš oasi eai bastte merket lundui galbbaiguin. Oahpistangalbba váilun ii nappo ivtte, ahte leago jearaldagas árvvolaš kulturárbečuozáhat. Geađgelánaid bokte leage oktageardán ráva buorre ja man juohkehaččas lea álki čuovvut: ále sirdde ovttage geađggi.
Lassedieđut:
Kulturárbbi spesiálaplánejeaddji Siiri Tolonen, Meahciráđđehus, Luonddubálvalusat: tel. 040 860 3800