Vásttolašvuođaprográmma oassin Meahciráđđehusas lea álggahuvvon dásseárvo- ja ovttaveardásašvuođaplána ođasmahttin. Bargi gárvvásmuvvá boahtte geasi rádjai. Plána dahká bargoveagas čohkkejuvvon bargojoavku.
Mihttomearrin ovttaveardásašvuođa ovddideapmi ja olggušteami jávkadeapmi
Meahciráđđehus barget sulaid 1200 sierra surggiid áššedovdi. Áššehasaid, čanusjoavkkuid ja guimmiid lohkomearri lea stuoris. Máŋggat Meahciráđđehusa bálvalusat leat čujuhuvvon riikkavuložiidda. Plána vehkiin Meahciráđđehus háliida sihkkarastit, ahte doaimmain ii leat olggušteapmi dahje eahpedásseárvu.
Plánain árvvoštallo dálá dilli dahjege dat, mo dásseárvu ja ovttaveardásašvuohta ollašuvvá Meahciráđđehusas virgeoapmahaš- ja bargoaddidoaimma geahččančiegas. Plánas meroštallo, mo Meahciráđđehus boahttevuođas earuha, seahkana ja ovddalgihtii eastada olggušteami ja ovddida ovttaveardásaš meannudeami ja sohkabeliid dásseárvvu.
Plána lea oassi vásttolašvuođaplánas ja doarju eandalii vásttolašvuođa dáfus dehálaš čuoggáid, dego fuolaheami bargoveagas, guimmiid ja čanusjoavkoovttasbarggu ovddideami, olmmoš- ja bargoveahkavuoigatvuođaid gudnejahttima ja sápmelaš kultuvrra hárjeheami eavttuid dorvvasteami.
Barggu bargá bargojoavku, mas lea buorre motivašuvdna
Plána lea dahkamin Meahciráđđehusa jođihanjoavkku nammadan bargojoavku. Stivrenjoavkun doaibmá Meahciráđđehusa vásttolašvuođajoavku.
Bargojoavkku čohkkemis leat váldán vuhtii buoremus vejolaš gokčevašvuođa sierra guovlluin, ahke- ja sohkabeallejoavkkuin. Bargojoavkku jođiheaba Meahciráđđehusa vásttolašvuođajoavkku jođiheaddji, gulahallanoaivámuš Tuulikki Halla ja vásttolašvuođajoavkku lahttu, bargogaskavuođaoaivámuš Riikka Tella.
Bargojoavku pláne dáládili árvvoštallanvugiid ja gárvvista plána daid vuođul. Barggus ávkkástallet olggobeale áššedovdiid sierra surggiin.
Meahciráđđehusa ođđa dásseárvo- ja ovttaveardásašvuođaplána jagiide 2019-2021 gárvána álgogeasis 2019.
Lassidieđut:
Gulahallanoaivámuš Tuulikki Halla, Meahciráđđehus, tel. 040 595 8943, tuulikki.halla(at)metsa.fi
Bargogaskavuođaoaivámuš Riikka Tella, Meahciráđđehus, tel. 040 747 6863, riikka.tella(at)metsa.fi