Bállás-Ylläsduoddara álbmotmeahccái mieđihuvvon ja dal varas árvvoštallama maŋŋá ođasmahtton Eurohpá viidosaš Charter-sertifikáhta sihkkarastá vánddardeaddjái ja mátkkošteaddjái, ahte guovlu lea riikkaidgaskasaš árvvoštallamiid vuođul bures dikšojuvvon ja dakkár, mii suvdilisvuođa beales gáhtte buot dásiid.
Eurohpá suodjalanguovlolihttu, EUROPARC, mieđihii dárkkes árvvoštallama maŋŋá Bállás-Ylläsduoddara álbmotmeahccái joatkaga suvdilis luondduturismmas muitalan European Charter –sertifikáhtii. Mearkkašahtti ákkastallan lei guhkit áigge suvdilis luondduturismma ovddideapmi ja ovttasbargu guovllu gielddaiguin, eatnatlohkosaš luondduturismafitnodagaiguin ja eará čanusjoavkkuiguin.
EUROPARCa árvvoštallit atne stuorra árvvus maiddái álbmotmeahci áŋgiris barggus ruhtadeami oažžumii luondduturismma ovddideapmin, ja sii giitaledje maiddái álbmotmeahci buori galledeaddjičuovvuma, vuđolaš luondduturismaplána ja turismaguovllu figgamušaid siskkáldas johtalusa ovddideapmin. Maiddái karbonaneutrálan sikten doaimmat dego eanaliggemii sirdašuvvan sihke álbmotmeahci ja ovttasbargofitnodagaid ráhkadusain ožžo giitosiid.
Suoma álbmotmehciin European Charter lea Bállás-Ylläsduoddara lassin dušše Syöte álbmotmeahcis. Eurohpás dat lea mieđihuvvon 106 álbmotmeahccái 16 riikkas.
Eurohpá suodjalanguovlolihttu (Europarc Federation) balai 1990-logu álggus, ahte suodjalanguovllut ráhkistuvvojit jámas. Jagi 1993 almmustahtton, Loving Them to Death, lei jorggihahtti rahpan suvdilis turismma ovddideapmái. Seammá áigge váldo atnui bargoneavvu dahjege European Charter, mainna suvdilis turismma sáhtte ovddidit ovttas turismadoaibmiiguin, gielddaiguin ja servošiiguin.
Lassidieđut:
Álbmotmeahccehoavda Pekka Sulkava, tel. 0400 815660
• European Charter -sertifikáhta (www.europarc.org/library/europarc-events-and-programmes/european-charter-for-sustainable-tourism)
• Bállás–Ylläsduoddara álbmotmeahcci (www.lundui.fi/ballasyllasduottar)