Meahciráđđehus máksá árabut registrerekeahtes goaskima dahje Davvi-Suoma mearragoaskima beasi almmuheaddjái 100 euro gádvnanbuhtadusa.
Meahciráđđehus Luonddubálvalusaid okta doaibma lea dárkkistit goaskimiid besiid ja ođđa besiid ohcan boazodollui šaddan buhtadusvuogádaga dárbbuide. Lassin Meahciráđđehus dikšu mearragoaskinčuovvuma Davvi-Suomas.
Árabut registrerekeahtes goaskima ja Davvi-Suomas (ovddeš Lappi ja Oulu leanat) lean mearragoaskima besiid almmuheaddjiide leat lohpidan Meahciráđđehusas 100 euro buhtadusa. Máddelis Suomas gávdnon mearragoaskimiid besiin Meahciráđđehus ii mávsse gávdnanbuhtadusa.
Measta buot dieđus lean besiin lea nummirgalba, muhto maiddái moadde dieđus lean beasi leat almmá galbba. Meahciráđđehus dárkkista besiid ovdal buhtadusa máksima.
Rissiiguin čohkkejuvvon
Goaskin dahká beasi dábálaččat muoraruŋggu beallemuttu bajábeallái, muhtumin measta gierragiidge. Gasit oavssit earuhit dan fálliid besiin. Beasseoavssit sáhttet leat juobe máŋga sentte asu, go fas fálli beasis eai olus leat suorpma gasit oavssit.
Mearragoassin besse maiddái dávjá muora gierragii, ja dan beassi lea čohkkejuvvon goike ovssiiguin ja das sáhttá leat maiddái muhtun varrasut oaksi. Guktot goaskimat sáhttet besset máŋggaid jagiid beasis man leat oktii válljen. Beasseávdnasiin sáhttá čoggot vehážiid mielde čuđiid kiloid lossa risseráhkadus.
Jus lottit eai leat báikki alde, sáhttá besiid earuheapmi leat váttis, ja dan dihtii buot besiid gánneha almmuhit, vaikke ii livčče áibbas sihkkar.
Beassealmmuhusas galggašii leat mielde namma ja oktavuođadieđut, beasi sajádatgielda ja báikenamma ja nu dárkilis sajádatdiehtu go vejolaš (koordináhtat)
Jagi 2017 buhtadus máksojuvvui ráhpadis moattelogi beassealmmuhusas.
Lassidieđut:
Besiin sáhttá almmuhit Meahciráđđehusa Lappi Luonddubálvalusaid alladárkkisteaddji Tuomo Ollilai, telefon 0400 241448 dahje šleađgapoasta tuomo.ollila(at)metsa.fi
- goaskima suodjaleapmi (suomagillii)
- mearragoaskima suodjaleami Davvi-Suomas (suomagillii)