Álbmotmehciid ja earáid Meahciráđđehusa Luonddubálvalusaid fuolahan čuozáhagaid guođohanvahkuid jearaldat joatkašuvvá stuorisin. Boahtte geasi guođohanvahkuide bohte oktiibuot 14 397 ohcamuša. Guođohanvahkut leat vuorbáduvvon ohcciid gaskkas, ja vuoitiide lea almmuhuvvon vuoitimis. Guođoheaddjit dikšot suodjalanguovlluin guođoheaddji sávzzaid, gusaid dahje heasttaid. Guođoheami ulbmilin lea eanadat- ja luonddudikšun.
Guođohančuozáhagat leat oktiibuot 15 birra riikka. Guođohančuozáhagat leat áitatvuloš árbebirrasat vuhtii válddekeahttá Punkaharju. Go čuozáhagain guođoheaddji eallit borret dábálamos ja gilvvus buoremusat birgejeaddji šattuid, ráhkadit dat seammás saji hárvenamos niitošattuide. Guođoheami haga niittut šattašedje gitta ja máŋggat čáppa ja hárvenaš šlájat jávkkašedje. Nuba guođoheapmi riggudahttá luonddu máŋggahámatvuođa.
Bivnnuhamos guođohančuozáhagat ledje dán jagi Leammi álbmotmeahci Gábe-Jon dállu, Neitvuori gieđavuolde lean Hiidenmaa dállu ja Palovartija dállu Punkaharju luonddusuodjalanguovllus. Miellagiddevaččamus čuozáhat lei Gábe-Jovnna historjjálaš sápmelaš dállu Leammi álbmotmeahcis, dasgo dohko ohce guođoheaddjin 1198 olbmo. Dállu lea beaggán sámisoga boares ássanbáiki, ja soga eanemus beaggán almmái, Jouni Aikio dahje Gábe-Jovnna (1875 – 1956) lei áiggis boazogonagas ja soga oaivámuš ja patriárka. Dállu lea fiinna sajis Leammi gáttis.
Guođohanvahkuin beassá luomustallat fiinna eanadagain, návddašit luonddus ja hoahpuhis eallimis ja dikšut guohtunealliid. Seammás guođoheaddjit oassálastet árvvolaš luonddusuodjalanbargui ja ožžot bihtá buresveadjima luonddu gaskkas.
”Jos giinu guođoheddjiin šluhtte oassálastimis, das muitaluvvo guđege guođohančuozáhaga Facebook-siidduin. Johtilamos almmuheaddji oažžu dalle friddja vahku alccesis,” gieddehoavda Hannele Kytö Meahciráđđehusa muitala.
Guođoheapmi árbebirrasiid ovddas
Guođoheaddjit fuolahit luonddudikšunbarggus leahkki ealliin, juohkehaš iežas vahku áigge. Guođoheaddji fuolaha ealliid juhkančázis, čuovvu oppalaš veaju ja sirdá ealliid guođohanblohkas nubbái.
Guođohanvahkuin ávkašuvvet nu guođoheaddjit, eallit, ealliid oamasteaddjit go luonduge. Guođohanvahkuide oassálastit dahket vejolažžan árvvolaš kulturárbečuozáhagaid, árbevirolaš luonddudikšuma ja luonddu máŋggahámatvuođa seailuma. Guođohanvahkut mákset. Boađut mat bohtet guođohanvahkuin geavahuvvojit čuozáhagaid bajásdoallamii ja luonddudikšuma goasttádusaide.
Lassedieđut:
Hannele Kytö, gieddehoavda, Meahciráđđehus tlf. 0206 39 6352