Urho Kekkonen álbmotmeahcci Davvi-Lappis ávvuda dán jagi njealjelotjagi agis sierra dáhpáhusain. Geavaheaddjimeari dáfus Suoma nubbin bivnnuheamos álbmotmeahcci lea áidna luonddusuodjalanguovlu, mii lea Suomas addojuvvon skeaŋkan presidentii.
Urho Kekkonen álbmotmeahcci vuođđuduvvui Anára, Soađegili ja Suovvaguoikka gielddaid guovlluide jagi 1983. Álbmotmeahcit leat luonddusuodjalanguovllut, Urho Kekkonen álbmotmeahci vuosttamuš mihttomearri lea davvi luonddu suodjaleapmi. 1960-logus dálá álbmotmeahci guovllu mátta- ja máttaoarjjabeallái ráhkadedje Lokka ja Poartabávtti dahkujávrrit, mat rievdadedje bissovaččat guovllu luonddu ja bukte garra hástalusaid luonddusuodjaleapmái. Álbmotmeahci vuođđudeapmi sineterii deaddagiid.
– Luonddusuodjalanguovllus luonddu háliidit bisuhit stuorámus oassái álgoálggolaš dilis. Vuovddi eai čuohpa, ja vánddardeaddjiid stivrejit dihto guovlluide álbmotmeahci siste, amas ii eanemus suodjaleami dárbbašan luondu ii noađuhuvvo. Almmá álbmotmeahci haga guovllu luondu ii livččii seilon seammá láhkai boahttevaš sohkabuolvvaide, Urho Kekkonen álbmotmeahccehoavda Pirjo Seurujärvi Meahciráđđehusa Luonddubálvalusain muitala. Meahciráđđehusa Luonddubálvalusat dikšot ja ovddidit álbmotmeahccedoaimma Suomas.
Viiddis skáiddiid ja muorahis alážiid álbmotmeahcis lea áican 130 loddešlája, main oassi leat áittavullošat. Álbmotmeahci dábáleamos njiččehas lea boazu. Boazodoallu leamašan guovllu ealáhusa čielgeriggi jahkečuđiid áigge. Nuortarájás álbmotmeahcis lea maiddái máilmmi beakkán Bealljeduottar (Korvatunturi).
Jus Kekkonen ealášii dál, son jáhkkimis geahččalivččii meahccesihkkelastima álbmotmeahcis
Álbmotmeahci kulturhistorjái gullá steampila láhkai Suoma gávccát presideanta Urho Kaleva Kekkonen.
– Dál álbmotmeahci ovdáneami steampilastet goittotge eanet máŋggabealat johtinneavvut go Urho Kekkonen gálvomearkan beakkán meahccesabehat, guovllus lea šaddan maiddái meahccesihkkelastiide bivnnuhis čuozáhat, Seurujärvi muitala.
Meahccesihkkelastiide álbmotmeahcci fállá máđijaid geassit ja maiddái dálvitge. Álbmotmeahci guvlui leat merken čieža riekkesmáđija meahccesihkkelastiide.
Ođđa vánddardansohkabuolvvat leat gávdnan álbmotmeahci, guovlu geasuha maiddái nuoraid, aktiivalihkadeaddjiid ja mánnábearrašiid
Urho Kekkonen álbmotmeahcis lea guhkes vánddardeami historjá. Ovdal álbmotmeahci nammadeami guovllu gohčodedje namain Koilliskaira (Nuorttabealli). Vánddardeaddjit lihkadedje aktiivvalaččat guovllus jo 60-logus.
– Álbmotmeahci viiddis meahcceguovlluin gávdná sajis jurdagiiddis hui sihkkarit, vaikke ođđa sohkabuolvvat leatge maŋimuš jagiid áigge deaivan deike guossin. Árabut álbmotmeahcci geasuhii eanaš čuoigiid dálvit, muhto maiddái bievlla áigodat lea bivnnuhis turismaáigi, Seurujärvi muitala.
Mannan jagi Urho Kekkonen álbmotmeahcis ledje 405 300 galledeami.
Álbmotmeahci ávvojagi vuosttas dáhpáhusat muitalit Davvi-Sámi luonddu dáládilis ja geasuhit mánnábearrašiid, geat leat čuoiganluomus.
Urho Kekkonen álbmotmeahcci ávvuda jorba jagiid valjis dáhpáhusfálaldagain. Luonddubálvalusat ordne álbmotmeahcis njealljelot dáhpáhusa. Ávvojagi dáhpáhusat álget čuoiganluopmovahkuin, goas prográmma lea eandalii mánnábearrašiidda. Maiddái Lappi luonddu áigeguovdilis dilli buktojuvvo ovdan.
- Ga 22.2. dmu 15.00: Maid dálvi oaivvilda? Mánnábearrašiidda čujuhuvvon luondduveaigi Suoločielggi Auroras, áhpásmuhttinanu áššedovdi Kristiina Aikio. Nuvttá
- Ga 1.3. dmu 15.00: Maid dálvi oaivvilda? Mánnábearrašiidda čujuhuvvon luondduveaigi Suoločielggi Auroras, áhpásmuhttinanu áššedovdi Kristiina Aikio. Nuvttá
- Ga 8.3. dmu 15.00: Maid dálvi oaivvilda? Mánnábearrašiidda čujuhuvvon luondduveaigi Suoločielggi Auroras, áhpásmuhttinanu áššedovdi Kristiina Aikio. Nuvttá
- Ga 15.3. dmu 18.00: Rájá-Jovsseba gieddi Urho Kekkonen álbmotmeahcis ja earát davvi kulturárbečuozáhagat Meahciráđđehusa dikšuma vuolde. Kulturárbečuozáhaga sierraáššedovdi Siiri Tolonen Auroran luonddueahkedis. Bileahtat 8 €.
- Ga 22.3. dmu 18.00: Davvi-Sámi luonddukártema bohtosiid buktá ovdan Meahciráđđehusa luonddusuodjaleami sierraáššedovdi Anna Tammilehto. Dát luonddueahket ordnejuvvo bálvalanbáiki Kiehisis, Lutontie 16.
- Ga 29.3. dmu 18.00: Koilliskaira, Urho Kekkonen álbmotmeahcci; historjá ja otná beaivi, áhpásmuhttinanu áššedovdi Kristiina Aikio. Suoločielggi Auroras. Bileahtat 8 €.
- Luonddueahkedat guovvamánus gaskavahkuid 5., 12., 19., ja 26.4. dmu 18.00 Suoločielggi Auroras.
Buot sihkkarasto dáhpáhusat gávdnojit Lundui.fis (dáhpáhusat.lundui.fi).
Siiddut beaiváduvvojit álo, go ođđa dáhpáhusat leat sihkkaraston.
Urho Kekkonen álbmotmeahcci, golbma geažideami galledeaddjiide
Mánnábearrašat:
Gilonanoaivi Miessebálggis (Vasapolku). Vázzinbálggis. man oahpistantávvaliin Urho Kekkonen álbmotmeahci iežas ulda Ukselmaoaivvi Elska muitala geažidemiid luonddu vásiheapmái ja áicamii buot áiccuiguin.
Aktiivalihkadeaddjit:
Gavcco muohtagápmagiiguin Unna-Dávgevári ala. Guovssahasbálggis johtá Dávgevári guossavuovddi bokte Unna-Dávgevári čohkkii, gos šerres dálkin oaidná gitta Soabbada luonddumeahci Náttašduoddarii ja UK-meahci duottarguvlui.
Vásihan UK-meahci galledeaddjit:
Juogo leat oahpásmuvvan UK-meahci ođđaseamos stobuide? Daga beaive- dahje idjatuvrra Rávdoláddui, gos lea modeardna beaive-, ávdin- ja várrenstohpu. Váldde vánddardeapmái Suomu Ville láigostobu, mii lea Šuoma gáttis fiinna beahcevuovddi siste.
Lassedieđut mediai:
Urho Kekkonen álbmotmeahcci oppalaččat: álbmotmeahccehoavda Pirjo Seurujärvi, 020 63 97704
Dáhpáhusat: Kristiina Aikio, 020 6397 119