Meahciráđđehus lea gárvvistan Soađegilis lean luonddumeahci ortnetnjuolggadusevttohusa. Ortnetnjuolggadus muitala, maid čavga suddjejuvvon guovllus oažžu ja ii oaččo dahkat. Meahciráđđehus evttoha ortnetnjuolggadusevttohusas, ahte Soabbatjávrris oaččošii lihkadit dáláža friddjabut.
Soabbada luonddumeahci ortnetnjuolggadusas sáhttá guođđit cealkámuša 2.12.2023 rádjai.Cealkámušaid galgá sáddet čujuhussii kirjaamo@metsa.fi.
Soabbada luonddumeahcci ortnetnjuolggadus, evttohus (pdf)
Sulaid 18 000 hektára sturrosaš Soabbada luonddumeahci ortnetnjuolggadusa beaivádeapmi bođii áigeguovdilin, go geasi áigge luonddumeahci guoskevaš láhka rievddai vehá.
Ortnetnjuolggadussii leat čohkkejuvvon ođasmuvvan láhkaásaheapmái vuođđuduvvan mearrádusat ja rávvagat guovllu ektui. Ortnetnjuolggadusevttohusa mielde Soabbada luonddumeahcis deahkkefámuiguin lihkadeapmi lea ain lobálaš merkejuvvon vánddardanjohtolagain. Nuppástussan ovddibui Meahciráđđehus Luonddubálvalusat evttoha, ahte luonddumeahccái gullevaš Soabbatjávrri oasis sáhtašii boahttevuođas lihkadit deahkkefámuiguin dálvit ja fatnasiin geasset. Oassi Soabbatjávrri gullá čavga suodjaluvvon luonddumeahccái, oassi jávrris ii leat luonddusuodjalanguovlu.
– Jávrri luonddumeahci olggobeale osiin lea ožžon álo lihkadit deahkkefámuiguin dálvet ja geasset. Dávisteaddji doaimma suovvan jávrri suodjaluvvon osiin áittašii guovllu luondduárvvuid, eanageavaheami spesiálaáššedovdi Pirjo Rautiainen ákkastallá nuppástusa.
Boazodoalu gáibidan lihkadeapmi lea luonddumeahcis boahttevuođasge lobálaš. Báikkálaš ássit ožžot lihkadit luonddumeahcis murjjiid ja guobbariid čoaggima oktavuođas maiddái johtolagaid olggobealde.
Cealkámušjorrosa maŋŋá ortnetnjuolggadusas gevvojuvvo vel sámediggelága (974/1995 9 §) ja boazodoallolága (848/1990 53 §) čuvvon ráđđádallan.
Riikamet 19 luonddumeahcis čavga suodjalannjuolggadusat – vánddardeapmi ii dábálaččat leat lobálaš
Riikamet 19 luonddumeahci leat ákkastallojuvvon dieđalaš ja oahpahuslaš ulbmiliidda ja luonddu suodjaleapmin. Luonddumeahcit leat dábálaččat giddejuvvon álbmogis. Daid suodjalanmearrádusat leat čavggabut go ovdamearkka dihtii álbmotmehciid. Luonddumehciin ii dábálaččat oaččo johtit almmá lobi.
Soabbada luonddumeahci lassin Lappi luonddumehciin maiddái Mallas ja Geavus lea vánddardanjohtolat. Čavga suodjaleami geažil johtolagas ii oaččo spiehkkasit.
Lassedieđut
Eanageavaheami spesiálaplánejeaddji Pirjo Rautiainen 040 5081673, šleađgapoasta pirjo.rautiainen(at)metsa.fi