Dás ovddos sarvvabivdinjoavkkus sáhttet leat eanemusat golbma bivdi, geat gullet oktanaga maid nuppi sarvvabivdinjovkui. Mearrádus guoská gieldda olbmuid friddja meahcástanrievtti dehege meahcástanlága 8 § čujuhan guovllu.
Mearrádusain háliiduvvo ráddjet bivddu máŋggain sarvabivdinjoavkkuin oktanaga.
Maiddái dán rádjái máŋgga searvvi meahcásteaddjit leat heajudan joavkku oažžut sarvvabivdinguovllu stáhta eatnamiidda. Dákkár meahcásteddjiid mearri joavkkuin ii goitge aiddonassii leat ráddjejuvvon.
– Čavgemiin háliiduvvo ovdalačča vuoimmálaččabut ráddjet ’guovtti guorpmis borrama’. Stáhta eatnamat leat vuosttažettiin dárkkuhuvvon daid sarvvabivdiide, geain eai leat eará meahcástanvejolašvuohta ja daidda, geat eai bivdde sarvva eará sajes. Nuppástusain háliiduvvo dorvvastit maid meahcásteami sosiálalaš ceavzilvuođa Suoma davviguovllu stáhta eatnamiin, meahccebivddu njunušáššedovdi Ahti Putaala dadjá.
Stáhta sarvvabivdima lohpeguovlluin bivdet jahkásaččat 1100–1200 sarvvabivdinjoavkku, maidda gullet oktiibuot sulaid 27 000 bivdi. Meahcástanlága 8 § čujuhan guovllus juohke joavkkus fertejit leat unnimusat 10 meahcásteaddji. Guđas dáin fertejit leat dakkárat, main eai leat eará sarvvabivdinvejolašvuođa.
Stáhta eatnamiidda sáhttá ohcat sarvvabivddu guovlolobi boahtte meahcástanáigodahkii 1.1.2024 rájes. Ohcanáigi nohká 31.1.2024 diibmu 16.
Loga lasi: Sarvvabivdu stáhta eatnamiin (Eräluvat.fi)
Lassidieđut
Meahccebivddu njunušáššedovdi Ahti Putaala, 040 827 2574, Meahciráđđehus