Guolástanlobiid vuovdin Eanodaga, Anára ja Ohcejoga johkačuozáhagaide álgá vuossárgga 18.5.2020. Vuovdima álggaheami leat maŋidan koronavirusdili dihtii.
Davvi-Sámi johkačuozáhagaid guolástanlobiid vuovdin álggahuvvo dábálaččat miessemánu álggobealde. Dán jagi vuovdin maŋiduvvui, go háliidedje vuos oaidnit, sáhttágo guolástanbaji rahpat dorvvolaččat koronadili geažil.
”Meahciráđđehusas leat mearridan ráđđehusa rávvagiid mielde burgit ráddjehusaid ja rahpat bálvalusaid hálddašuvvon vuogi mielde. Guollebivdu lasiha muhtun veardde mátkkošteami ruovtturiikkas, muhto muđuid ii lasit olu olbmuid deaivvadeami, nuba dat gávnnahuvvo viehka dorvvolaš áigeádjin spiehkastatlaš áiggiin. Guollebivddus lea lassin stuorra mearkkašupmi máŋgga suopmelaš veadjimii, man háliidat maiddái váldit vuhtii”, fuođđodoallohoavda Jukka Bisi Meahciráđđehusas dadjá.
Measta buot čuozáhagain, maid lohpevuovdin álgá vuossárgga, muhto guolástanbadji rahppojuvvo geassemánus. Meahciráđđehus burgá koronaráddjehusaid muđuige geassemánus. Meahciráđđehusa Luonddubálvalusat rahpá luondduguovddážiid, árbedáluid sihke várren-, láigo- ja ávdinstobuid 1.6. rájes. Meahciráđđehus rahpá maiddái dieđaguovddáš Pike Roavvenjárggas seammá prinsihpaid vuođul. Mearrádus čuovvu stáhtaráđi linnjemiid almmolaš sajiid rahpamis.
Vuossárgga vuovdimassii boahtán guolástanlobiid sáhttá skáhppot vuossárgga 18.5. dmu 9.00 rájes Eräluvat-neahttagávppis ja –bálvalannummiris 020 69 2424. Meahciráđđehusa Davvi-Sámi doaibmabáikkit eai leat vel rabas.
Meahciráđđehusa lobiid skáhppon- ja šluhtteneavttut máhccet vuossárgga ovddežin.
Čuozáhagat
- 1550 Leahttáseanu, Eanodat
- 1554 Bálojohka-Jiehtájohka, Eanodat
- 1556 Ovnnesjohka-Geahkkil-Bievrrašjohka, Eanodat
- 1565 Njávdán, Anár
- 1567 Avviljohka, Anár
- 1568 Lohttu-Šuomâ, Soađegilli, Anár
- 1578 Juvdu (sisttisdoallá Fášku, Leammi ja Menešjohka), Anár
- 1583 Gámasjohka-Giellájohka, Anár
- 1571 Veahčajohka, Ohcejohka
- 1572 Ohcejohka, Ohcejohka
Áššái gullevaš ođđasat
- Meahciráđđehus Luonddubálvalusat rahpá luondduguovddážiid, árbedáluid ja stobuid 1.6. rájes (luontoon.fi)
- Gieldda olbmuid johkalobiid vuovdin álggii 5.5.
(Lisätietoja suomeksi: eräsuunnittelija Jarmo Huhtamella, Metsähallitus, 0206 39 7717, etunimi.sukunimi@metsa.fi)