Vásttolašvuohta Meahciráđđehusas
Meahciráđđehusa vásttolašvuođapolitihkka
Vásttolašvuođapolitihkka meroštallá prinsihpaid ja doaibmavugiid, maiguin mii fuolahit doaibmamet vásttolašvuođas Meahciráđđehusas. Oahpásmuva vásttolašvuođapolitihkkii (pdf).
Vásttolašvuohta lea guovddáš oassi Meahciráđđehusa doaimmas, ja dat lea integrerejuvvon oassin strategiijas, jođiheames ja ovddideames. Vásttolašvuohta gullo maid mis buot doaimmain – das, mot mii hállat ja mot mii deaivat áššehasaid, osolaččaid ja čanasjoavkkuid. Buorre hálddahus, gáibádusaid čuovvun ja vuohki doaibmat hábmejit doaimma ehtalaš ja vásttolaš vuođu.
ON:id suvdilis ovdáneami mihttomearit
Mii leat čatnasan ovddidit doaimmasteamet ON:id suvdilis ovdáneami mihttomeriid (Sustainable Development Goals, Agenda 2030). Mii leat dovdán doaibmamet ja čanasjoavkkuideamet dáfus ovcci dehálamos mihttomeari, maidda mii sáhttit erenomážit váikkuhit. Mihttomearit leat 5 sohkabeliid dásseárvu, 8 olmmošárvosaš bargu ja ekonomiijastuorrun, 11 suvdilis gávpogat ja servošat, 12 vásttolaš golaheapmi, 13 dálkkádatdagut, 14 čázevuloš eallin, 15 eatnanlaš eallin, 16 ráffi, vuoiggalašvuohta ja buorre hálddahus ja 17 ovttasbargu ja guoibmevuohta.
Guovddáš suvdilvuođafáttát
Vásttolašvuođabarggusteamet vuojulduvvat dovdájuvvon midjiide dehálamos suvdilvuođafáttáide. Dat leat meroštallojuvvon nu gohčoduvvon guovttegeardásaš dehálašvuođa analysas, mas leat árvvoštallojuvvon doaibmamet positiivvalaš ja negatiivvalaš váikkuhusat birrasii, olbmuide ja servodahkii ja lassin suvdilvuhtii laktáseaddji doaimmaidasamet čuohcci riskkat ja vejolašvuođat. Min mihttomearri lea geahpedit negatiivvalaš váikkuhusaid ja nannet positiivvalaš váikkuhusaid. Dasa lassin mii hálddašit suvdilvuođariskkaid ja ávkkástaddat suvdilvuhtii laktáseaddji vejolašvuođaiguin. Guovttegeardásaš dehálašvuođa analysa lea ollašuhtton jagi 2025 guoskademiin EU suvdilvuođaraporterema referánsasámma.
Meahciráđđehusa guovddáš suvdilvuođafáttát:
- Dálkkádatrievdan
- Čázi ja eanavuođu billašuvvan
- Biologalaš girjáivuohta ja ekosystemat
- Iežas bargofápmu
- Árvoráiddu bargit
- Servošat váikkuhusaid čuozáhahkan
- Golaheaddjit ja loahppageavaheaddjit
- Buorre hálddašanvuohki
Vásttolašvuođa deattuhusat
Min vásttolašvuođabargu vuođđuduvvá iežamet doaimmaid váikkuhusaid ja čanasjoavkkuid dárbbuid áddemii. Vásttolašvuođabargomet juohkása golmma váldodeattuhussii:
- Birasovddasvástádus
Mii doaibmat birrasa suodjaleami ja luondduriggodagaid suvdilis geavaheami ovddideami ovdii. Mii dorvvastit luonddu girjáivuođa ja ovddidit dálkkádatrievdama goahcama ja dasa vuogáiduvvama ollašuhttimiin Meahciráđđehusa dálkkádatprográmma. - Sosiála ovddasvástádus
Mii gudnejahttit olmmošvuoigatvuođaid ja sihkkarastit, ahte doaibmat vuoiggalaččat ja dássebealagit sihke bargoveagain, áššehasaiguin, osolaččaiguin ja čanasjoavkkuiguin. Mii dorvvastit sámekultuvrra hárjeheami eavttuid. - Buorre hálddahus
Mii doaibmat buori hálddašanvuogi mielde čuovvumiin stáhta oamasteaddjibagadallama prinsihpaid. Mii sihkkarastit, ahte min doaimmat čuvvot gáibádusaid, ehtalašvuođa ja vealatkeahtesvuođa.