IlmastoMänty – Dálkkádatsuvdilis vuovdešaddadeami guvlui: Muoraid šaddanritmma mudden ja vuogáiduvvannávcca nanosmahttin– dutkanprošeavttas ohccojuvvojit čovdosat beahcevuvddiid šaddadeapmái rievdi diliin. Prošeakta ollašuhttojuvvo 2026–2029.

Ovttasbargu ovttasta Luondduriggodatguovddáža dutkanmáhtu, Meahciráđđehusa viiddis geavatlaš materiálaid ja operatiivvalaš vuovdedoalu perspektiivva.

Prošeavttas dutkat beazi vuogáiduvvannávcca ja ohcat vugiid vuvddiid dálkkádatsuvdilisvuođa buorideapmái. Dutkamušas čielggadit earet eará muoraid šaddanritma ja streassatoleránsa genetihkalaš variašuvnna ja návcca vuogáiduvvat earálágan šaddandiliide.

Dan lassin veardádallat dálkkádatrievdamii vuogáiduvvama lunddolaš ja ovddosdikšojuvvon gilvinmateriálain vuođđuduvvon vuvddiin Davvi-Suomas, ja árvvoštallat, mo ovddošdikšojuvvon gilvinmateriálain vuođđuduvvon vuovddit leat geavatlaččat šaddan stáhta eatnamiin.

Prošeavtta bohtosat dorjot olles servodaga fállamin dieđu das, mo vuvddiid sáhttá dikšut go dálkkádat rievdá. Bohtosiid sáhttá atnit ávkin mearrádusdahkamis, mii laktása vuovddi ođastusmuddui ja vuvddiid šaddama ja čina čatnama buorideamis. Ná dutkamuš bálvala sihke vuovdedoalu ja maiddái viidásut dálkkádatbarggu ja servodaga ráhkkaneami boahttevuođa rievdadusaide.

Lassedieđut: