Vuoigatvuođat ja njuolggadusat

Meahciráđđehusa hálddašan stáhta eatnamiin ja čáziin oažžu lihkadit árbevirolaš davviriikalaš buohkaidrievtti vuođul.

Luonddubuktagiid oažžu ávkkástallat buohkaidrivttiid addán rájáin almmá sierra lobi dahje mávssu. Doaibma, mii ii gula buohkaidrivttiid, dárbbaša eanaeaiggáda lobi. Meahciráđđehus addá eanaoamasteaddjin lobiid ja mearrádusaid stáhta guovlluid ávkkástallamis. Luonddusuodjalanguovlluin buohkaidrievtti sáhttá ráddjet suodjalanmihttomeriid mielde.

Buohkaidrievttit

Buohkaidrivttiin doaibman ii oaččo mielddisbuktit go eanemustá unnáaš vahága eanaoamasteaddjái, eanageavaheapmái dahje lundui.

Buohkaidrivttiin oažžu ovdamearkan vázzit, čuoigat, suhkat dahje meallut luonddus ja oaggut, rudneoaggut ja vuodjat. Luonddumurjjiid ja borramušguobbariid oažžu čoaggit.

Lobi gáibidan doaibma

Ee. meahccebivdu ja meahccejohtalus leat doaimmat, mat gáibidit lobi. Oaggun lea rudneoaggun leat nuvttá oppalašguolástanrievttit. Eará guollebivdui go rudneoaggumii dahje oaggumii galgá máksit guolleváriiddikšunmávssu.

Lobiid dárbbašat maiddái dutkandoibmii dahje fitnodatdoibmii stáhta guovlluin.

Dihtomearremearrádusat

Meahciráđđehus addá dihtomearremearrádusaid guolástusa, meahcásteamis ja meahccejohtaluslobiin stáhta guovlluin. Dihtomearremearrádus muitala, man olu eanemustá sáhttá guolástit, meahcástit dahje vuodjit skohteriin guđege stáhta eatnamis.

Dihtomearremearrádusat (eräluvat.fi)

Ortnetnjuolggadusat suodjalan- ja vánddardanguovlluide

Meahciráđđehus sáhttá addit luonddusuodjalanlága vuođul ortnetnjuolggadusa suodjalanguovlluide. Ortnetnjuolggadusas meroštallojuvvojit, makkár doaibma lea lobálaš, ráddjejuvvon dahje gildojuvvon.

Ođđa ortnetnjuolggadusat almmustahttojuvvojit Gulahusat -siiddus ja dain lea váidalanriekti.

Lága fámu ožžon ortnetnjuolggadusat gávdnojit ee. Meahciráđđehusa almmustahttinlogahallamis. Ortnetnjuolggadussii gullán mearrádusain muitaluvvo maiddái ieš guđege čuozáhaga ovdanbuktimis Lundui.fi-neahttabálvalusas.