Bállasduoddara vuolginboarta lea ođđalágan sadji, gos ovttastuvvet sihke olgo- ja sisbirrasat, gos Meahciráđđehusa Luonddubálvalusat fállet vánddardeddjiide dieđuid. Meahciráđđehus lea rahpan vuolginboartta sisbirrasa vánddardeddjiide mánnodaga 16.2.2026.
– Go mis lea vuolginboarta, mii lea álo rabas, de mii oažžut vánddardeddjiid johtit vásttolaš vánddardangulahallama čađa álbmotmeahccái birra jándora. Vuolginboarta lea plánejuvvon nu, ahte doaimmalašvuohta lea guovddážis. Siste sáhttá ovdamearkka dihtii bassat vánddardantuvrra lihtiid, mannat hivssegis ja ohcat vánddardantipssaid Luontoon-bálvalusa bokte, lustageavahusa spesiálaáššedovdi Timo Karinen Meahciráđđehusa Luonddubálvalusain dadjá.
Viesu hápmi čielggasmahttá maid dan, gos Bállasduoddariid johtolagat vulget lundui. Geahča vuolginboartta ovdanbuktinfilmma: Instagram.com (suomagillii).
Ovdamearkka dihte dát áššit veahkehit vánddardeaddji vuolginboarttas:
- Digišearpmain dieđut álbmotmeahci johtolagain ja bálvalusrusttega forpmas. Ođđaseamos dieđut gávdnojit Luontoon-bálvalusas, vuolginboarta láidesta bálvalussii
- Digišearpmas maiddái dieđut dálkediliin ja dálkediliide laktáseaddji váruhusain, ovdamearkka dihte meahccebuollinváruhusat geasset
- Dieđut muohtadorvvolašvuođas, álkidahttit viisáid mearrádusbargama:
- muohtauđaseinnostusat digišearpmain dálvet
- állilvuođakártá álkidahttit uđasbáikkiid dovdáma
- vejolašvuohta testet iežas muohtauđasrusttega testendávvaliin
- Vuolginboartta sisbiras fállá liegga suoji duottarbirrasis vaikko vuorddedettiin máhccansáhtu dehe dalle juos rusttegat cuovkanit
Ovdal guovllus lei Bállasduoddara luondduguovddáš, mii burgojuvvui sisáibmováttisvuođaid dihte. Luondduguovddáža gallededje sullii 50 000 geardde jagis. Lagašguovllu johtolagain ledje galledeaddjit jagi 2025 sullii 65 000. Bállasii nohká dehe doppe álgá bivnnut Heahttá-Bállas-vánddardanjohtolat, man vánddardit geassebaji áigge sullii 12 000 geardde.
Vuolginboartta bokte Meahciráđđehus juksá buorebut maid daid olbmuid, geat galledit doaimmahatáiggiid olggobealde. Meahciráđđehus luohttá dasa, ahte vánddardeaddjit leat jierbmás olbmot ja atnet ávvira iešheanalaš geavahusa várás oaivvilduvvon vuolginboarttas.
– Vuolginboarta gozihuvvo kámeraiguin. Juos áicat bahádaguid, mii dahkat dárbbu mielde nuppástusaid. Golmma digišerbmii sáhttá rievdadit sisdoalu oba jođánit, Karinen dadjá.
Bállasduoddara vuolginboarta oaččui ráđđehusas 1,6 miljovnna euro sierraruhtadeami jagi 2023.
Lassedieđut:
- Vuolginboartta praktihka ollašuhttin: lustageavahusa spesiálaáššedovdi Timo Karinen tlf. 040 648 6380
- Luontoon-bálvalus ja áššehasbálvalusa ovddideapmi: bálvalusoamasteaddji Katja Heikkinen, tlf. 040 658 7092
- Bállás-Ylläsduoddara álbmotmeahcci (luontoon.fi)